[عبدالعزيز الرميحي]

هز الغصن مع طلعة النور عصفور
رف بجناحه كنه بضيقتي حاس
رهيف عزفه بين كسرات وجبور
طار وتركني حايرٍ بين الاقواس
غربة حنين وغربة ارواح وشعور
احساس مايصدق ولا الناس للناس
ليه اغتربنا وانبنا بيننا سور !
ليه النفوس من التعب كلها ياس!
ليه الشعور اصبح مقنن ومحظور
بابه مسكّر في حديده وترباس
على مشارف بهجة النفس مخفور
حرّاس والحرّاس من خلف حرّاس
هذي تجي تتبع اثر ذيك بالدور
لانبّهت غافل ولا دقت اجراس !
تلمس اصابع عازف الناي محفور
فيه النّفس محدود والنفخ بقياس
زفرة غريب يميل كتفه على النور
في ليلةٍ فيها من البرد نسناس
الشارع الخافت به النور ديجور
ما تعتق طيوره مصابيح الاغلاس
ما نبه النيروز ورده ببلور
ولا علا في شاهق الجو قرناس
فجأه وعا النايم على بيت مكسور
وأخر شطر موزون لا باس' لا باس !