[مصعب خالد]

قصيدة | غرابيب الشعور |


*
_____

*



ماهو هالوقت ياذكرى ولا هو وقتك المعتاد
___ قسى لو كل لحظة في مخيلتي تمرجحتي
تعبت اركض لو ان ركضي عن جروحك أبد مافاد
___ تعبت ارجي هبوبي بس أطير وترفض اجنحتي
تجين بصورة اللي جالها وسط الخفوق حداد
___ وبكت منها الضلوع وناحت اوراقي ومسبحتي
تجي في ليلة الذكرى واحس إنّي سجين أصفاد
___ وتسلّمني (غرابيب الشعور!) وليل مذبحتي
مسكت إيدينها قلت: السراب وقالت: الميعاد!!
___ ورجف جسر الصبر لين آخره ثم انهدم تحتي
هي الذكرى القديمة لو جروحي في هواها جداد
___ ماعاد احسب خساراتي من جروحي ومربحتي
وهي الدمعة ولو انهـا تجف ، وتنهمر بـ عناد
___ وكثر ما احاول اسألها علامك! ليه ماطحتي؟
حبيبه عانقيني لو تموت من الحنين أجساد
___ ترى مافيه موت يوازي "جروحي" ليا رحتي!


- مصعب خالد