..
ـ عطر الكلام ـ
هذا غيابك مرني الليلـة ويقرينـي السـلام
ـــــــــــــــ وانا غيابي حاضر الليلة في زهـو الأسئلـه
غبتي غيابٍ ماترك لي غير حـزنٍ مستهـام
ــــــــــ في وحدتي يبني على عرش إنكساري منزله
من علمك تبنيـن بغيابـك معاويـل الهـدام
ـــــــــ في ذاكرة صوت نما بسمك وفي الذات اشعله
انتي بداية كل مـا لاينتهـي عطـر الكـلام
ــــــــــــــــــ انتي نهاية كل مـا لا يبتـدي شـوق وولـه
انتي ملامح طفل شده نبض صدر امه ونـام
ــــــــــــــــ تقرا بوجهه من شفاة امـه حنـان وبسملـه
صمتك ظلال الغيم.. لمع البرق.. هتان الغمام
ــــــــــــــــــ بوحك عصافيرٍ عطت للضي غـي السنبلـه
بسمتك فرحة ضيف جايع في قرى بدوٍ كرام
ـــــــــــــــــــــ ومعزبه من كثر جوده فك صـدره وادخلـه
انتي ليا قلتـي احبـك ثـارت الدنيـا قيـام
ــــــــــــــــــــــ واحس كني في بدايات الطريـق مـن أولـه
وانا متى ما قلت احبك يرتجف جفن الظـلام
ــــــــــــــــــــ والصبح يتنفس مكاني والصعيـب استسهلـه
..
لــ ردة السفياني