ياعصافير .. مدري. ! وين اروح اشتكيه
صاحب مـن عرفتـه ماعرفـت المنـام
ياعصافير احبه . (حسبـي الله عليـه)
لاتركنـي انـام .. ولاتركنـي ونــام
أااااه .. ياني تعبت من السهر احتريـه
كل ماهتّـزّ كتفـي فـزّ جفنـي وقـام
ياعصافير والله انـي امـووووت فيـه
فوضـوي مرتّـب بعـثـره بانتـظـام
اعتذر منه وارضا من الزعل قبل اجيـه
ويحضننه عيوني قبـل اقـول السـلام
صدقيني بغيت البارح ازعـل عليـه.. !
بس كنه وحشني ..! وصار فيها كـلام
ياعصافيـر حتـى دفتـري يشتهـيـه
كن بينـه وبيـن الشعـر حالـة هيـام
كل سطر يتمنى اكتـب اسمـه (عليـه)
وكـل صفحـه تهنـدم للقلـم باحتـرام
ياعصافيـر واللـي بالسمـا نرتجـيـه
انهـا عيطمـوس مـن رجـال عظـام
بنت شيخ تخاف الشمـس تشبـه يديـه
لاشرق نور كفـه طـاح حيـل الظـلام
يخجل الشعر فينـي منـه قبـل ابتديـه
والحروف تّعّذر عن حروفـه صيـام ..!
ياعصافيـر .. مثلـي لاسكـت اعذريـه
دام منّـي قصيـدي لابـكـا. مـايـلام
يكفـي انـي ابيـه ولاابيـه وابيـه ..
وهو يبيني وبيني وبينـه الليـل حـام
ياعصافير مـدري ..! لاتقوليـن ليـه.؟
(السـلام عليكـم وعليـك السـلام )::
خالد الردادي