احمد بن هادى
منّي سلام ٍ تحيّه واعْطورها في سماها
..... اللّي حضرْ ياهلابه واللي تِغَيّب معَيّب
من شافِ خالد يقلّه باخْبارِ نشره قراها
......... مطلوبِ يحضر يوقّع قبل الدفاتر تغَيّب
خالد صالح الحربى
فيك البقا يابن هادي تحيّةٍ وش وراها؟!
.. لو إن ماني بفاضي تراي عندك قريّب.
مضمون نشرتك هاته لو مرّها في حلاها
.. ومن قدّم الطيب يسري في تالي الليل طيّب.
🌹
احمد بن هادى
منهو خضرْ ما تغّيب وانْ كانِ ساعه بطاها
...... والناسِ تعذِر وتُعْذر دام الوضعْ ما يخيّب
عندي علومن وجامع لك بعْضها في قفاها
........ كانك بتصبر هلابك وإلا مسامح مسيّب
خالد صالح الحربى
هات العلوم الثمينة واللي عداها عداها
.. طبيب وإلا طبيّب ؛ طبيب وإلا طبيّب.
اللي تجي في حذاها ترجع بليّا حذاها
.. طاروقنا لا يشيّب ؛ طاروقنا لا يشيّب.
🌹