مرّت خواطر ليل مثل النسايم
تقلّب الذكرى على كلّ ما فات
كان الفرح لحظات و الحزن دايم
صحيح لا قيل أجمل العمر لحظات
ودّعْت خِلاني و لا كنت لايم
من يوم صغري أقبل الجرح بسكات
طال الغياب و لا لقيت الغنايم
ماتت مواعيد و بقى شوق ما مات!
للي أسافر فيه قاعد و قايم
ما للسفر آخِر و لو بعض وقفات!
إن قلت أنا بنساه وين العزايم
و طيفه إلى منّه ظهَر قال هيهات!
ضاقت بي الحيلة و للحين هايم
أتنفسَه رغم الزمن و المسافات
لولا غلاه إني من العام نايم
و لا شكَت عيني سهرها بالأبيات
أتمنى أن ترضي شيء من ذائقتكم
تحياتي العطرة