[عبدالله ثويني المانع]

..

[ الوطيس ]


ودي اكتب ولامنـي مسكـت قلمـي
. . . . . . . كـل شـي بهالدفتـر بـدا يزهمـك

كنت انحيك ابي كود الوطيـس يحمـي
. . . . . . . كنت اوخرك بالظاهـر وانـا اقدمـك

كنت اقول لحياتي كشـري وارزمـي
. . . . . . . ودي اشعر بحر النـار فـي ميسمـك

ودي اكتب قيصده والشعـور يهمـي
. . . . . . . وانت من سلك همي طحت كيف انظمك

أي نعم يـوم حبيتـك وانـا منعمـي
. . . . . . . كيف ما شفت نابك من ورا مبسمـك

اصعد بسلمك .. لا.. خذ بعـد سلمـي
. . . . . . . ما عطيتك وانـا فـي ظنـي اكلمـك

ما تندمت .. لا بالعكـس كـل ندمـي
. . . . . . . كيـف انبهـك للغلطـه ولا اجزمـك

كان مفروض ما يركد لهيـب الرمـي
. . . . . . . كنت محتاج ازيد اجهلك ليـن افهمـك

وبالتعالي على الطعنه كسرت سهمـي
. . . . . . . وانت من شاف فهمك للنقـا يرحمـك

تطعن ايدك قلـوب وبالنقـا تحتمـي
. . . . . . . ذاك لو هي طعون الخلف ما تلزمـك

واستحليت غيباتـي واكلـت لحمـي
. . . . . . . ويوم غصيت باسمي قمت اكلت لحمك

والتقينـا وشفتـك بالخجـل ترتمـي
. . . . . . . آتحـداك تعلـن ـــ توبـتـك ونـدمـك

ما تكفر ذنوبـك لـو تبـوس قدمـي
. . . . . . . ورغم هذا تركـت الشاعـر يعلمـك

كيف تزعل .. وتقدر ما تخوض بطمي
. . . . . . . ثابت وإنفعـال الطيـش مـا يحكمـك




- إبراهيم السمحان -