بين السما والارض تكوّنتْ طين
أيام لحم ودم واحساس دافي
تقاسموها عذرهم هالمساكين
الشوق مايرحم وطبعه شفافي
كن الأماني في شتات الميادين
غربة وطن غربة شعور ومنافي
ماهمهم دمعٍ جرح صافي العين
كان اكبر طموح المشاعر قوافي
لين كتبتهم هالقصيدة عناوين
اغرب شعور ان الحزن دوم وافي
تعال ~ يكفينا من الغربة سنين
ذابت ضلوع ارواحنا .. اييه كافي !
خذني سهر خذني شعور المحبين
اللي طواهم ليلهم بالمرافي !