القصيدة الاولى للشاعر / حمد البريدي
والقصيدة الثانية بقلمي ومجارة لقصيدة الشاعر البريدي
اتمنى ان تنال اعجابكم ورضاكم ولكم كل التقدير .
ــــــــــــــــــــــــــــــــــــــــــــــــــ ــــــــــــــــــــــــــ
القصيدة الاولى :
يا من ذبحت المحـــاني مـن غــــلاك الجــمـوح
مرابطـك فـي خـفوقـي ليـــه .. خليتهـا !!؟؟
نسـيت مـفـلاك فـي ضلـع الغـــلا والســـفــوح
اللي علـى طـــارف آضــلاعـي تخـــطريتــها!!
فوحـت دلـة غــلاتـك .. والمشـاعـر تــفـوح
وبـنّ الهــــوى يحـيـــي الآذهـــان ويمــيتـهـا
وصبّيت لك من بهار الطيب فنجــال روح
ونثــــرت صـبـة يمــينـي .. يــــوم مــديتـهـا
آوجعتني وآنت ما تـــدري .. لو آنهـا مـــزوح
وفهمـــت وش مـــقصــدك منهـاوقاســـيتهـا
يــا ليت جـرح الهـــوى لحـــظـات عقبـه يــروح
ما كان نفسـي علـى فـــرقـاك .. حديتهـا
عواصف الحـزن هـدت مـن جفـاك الطـمـوح
في كلمة (ن) لا وصلت إلهـا .. تعــديتهـا
أسكّت الحــزن فّـي .. وتنطـق العيــن بـــوح
حسبــي علــى دمـــعـة لـــرضــــاك هــــليتهـا
خـــلاص باح العــزا لـو كــــان قلبـي سمــوح
يــــا أول وآخــر أمـــانـــي قــــد .. تمنـــيتــهـا
الحب ماهــو بـغصبـا !! تبغـي تـــروح روح
ذَبلت ورود المشـــاعـر وأنـت مـا آســـقيتهـا
قد قلت لك .. والقسى في عين صـدك يلـوح
حدك معك بالجفا ....... ومـا كنـك آوحيتهـا
مبــــدا المحبـه غـــــرام ومنتـــهاهـا جـــــروح
هي هكذا .. تجربتهـا ............ يـوم عانيتهـا
ما كنك اللي عرفته !! يـا الغـزال الذبـوح
حـيرتنـي بـآربـع آشيـاء .. مـا تهقـويتهـا
(حبك / وداعي غلاك / وغيرتك / والوضوح
مــاتت مـن الحـزن وإلا ويــــن وديتهـا ؟!
إن رحت عنك تجي .. وإن جيت يمك تروح
يـــــا تنهـي المســـألــــه ولا تـــرى آنهيــتهـا
كرامتـي مالهـا .. إلا استاذنـك بالنـزوح
فاجمع خطايـا الغـرام .. وشـبّ كبريتهـا
بقلم الشاعر والــمُـــــبدع / حـــمـــدالــبريـــــــدي
القصيدة الثانية :
يا داعي الوجدّ كم للوجد قد رح روح
اراك تغلق على باب النفس بيتها ... ؟!
شبّيت نار الغلا .. وادميت كل الجروح !!
وتزفّها ميتة ... داخل توابيتها .... !!
حزين حرف الغرام اللي على خدّ لوح
ساعة قرأت القصيدة وأستهليتها
ادركت حال الحزين اللي ملأ الصمت بوح
واشفقت حتى على الحالة ( وما ) ريتها ... !!
تواق وجدي وعيني في فضاها يلوح
برقٍ تسامى الخيال ودبّ عفريتها
واستمطر الغيمة القصوى ولبّـَى الشحوح
واسقى شعابٍ ... تضرع للمطر ليتها
واهتزت الرابية واستبشرت بـ الرشوح
على مهاميلها .... وردة ... تمنّيتها
تضحك مع الصبح والانفاس منها تفوح
عطراً تعامد على انفاسي وشميتها
ازمعتـ ـها لوعتي وأضمٌها لا تشوح
واجاهد النفس لا اقطفها ولا اقفيتها
كذا المواجع !! تراها يا حمد ما تروح
وإذا هدت نارها ..... شبّت مواقيتها
حركتها جائحة في صدر الايام نوح
واجهشت كلّ الدموع وليتك ابكيتها
بعض المودة تعلّق في حزام الطموح
وتقاوم العزم .... لو ما قمت قاويتها
تشق وجه السحاب وفي مكان القروح
يكوي سنا برقها... علّة تحاشيتها
لكنّ ثائر حنينك جاد لي ي السموح
مبطي على خيمة العشاق ما جيتها
اجامل القيض وأداريه في ظل دوح
وادركتني بالقوافي واستغليتها ... !!
إن كنت مولع بلعب القافية لا تروح
ترى الخواطر مع الابيات سجّيتها
بقلم : سالم العامري