هذه بعض الردود للشاعر ملفي المورقي آري أنها ألجمت فم تركي الفين رغم أنني لست متحامل عليه لكن هذه المحاورة تعطي الانسان درس على احترام الغير وفي نفس الوقت الرد عليه بالمثل
محاورة بين الشاعر تركي المطيري والشاعر ملفي المورقي أعجبتني وأحببت نقلها لمدونتي........
تركي الميزاني:
أستأذنك يا سيّـدي يـا كحيـلان
أستأذنك لحظات كله علـى شـان
بسري على الشّعار والبال طربان
سبع الأراضي تحت سبع السموات
ناوي ٍ لي نية ٍ فزمالايه مـن عصيـر
وإن سمحلي سيّدي ملفي أول ما أذبحه
أنت يا ملفي تغيّرت فالوقـت الأخيـر
مير قِدمي تقفـل البـاب ولا تفتحـه
ملفي المورقي :
يا سيّدي يا منبع المجد والجـود
أنته ولد خالد وخالد مـن العـود
شوفك يشرفني ليا صرت ماجـود
سبع الأراضي تحت سبع السموات
ودي أستأذنك لحظة بتركي يا الأمير
ودي أشده شويّه وأشيله وأطرحـه
أنت لا شاعر خناذف ولا شاعر مطير
والله إنك وسط كفّي سواه المسبحة
تركي الميزاني :
أكرب حزامك وأحتزم يا ولد روق
والصبر زين وكل مطرود ملحوق
لا بد فالميـدان أروقـك وتـروق
سبع الأراضي تحت سبع السموات
جابك الله في يديني بعد جينـا عسيـر
وأنت في بعض المواقيف مالك مصلحه
وأنت لا شاعر عتيبة ولا شاعر كبيـر
كل ليل ودمع عينـك بكفـك تمسحـه
ملفي المورقي :
حلفت يا تركوه ما أكرب حزامـي
ما دام فالميقاف حطـوك أمامـي
ما أنت بخلف ولاّ رشيد الزلامـي
سبع الأراضي تحت سبع السموات
يالغليّم مـا يشيـل الحمـول ألا البعيـر
وأنت حاشي تهبـد الرجـل ولا ترمحـه
طيع شوري روح وأرقد على هاك السرير
خل فوقك شرشف أبيض وتحتك مطرحه
تركي الميزاني :
أنته سواة الغصن تومي بك الريـح
مجروح من ضمن العباد المجاريـح
ما أنته بأبن سلمي ولا أنته شليويح
سبع الأراضي تحت سبع السموات
الرغى عيـب الجمـل لا رغـا بعـد الهديـر
ونت مالك غير من يربطك في مروحه
ليت أبو وافـي يـدوّر مـن عتيبـه شويـر
قبل أقـص عـروق قلبـه بسيفـي وأجرحـه
ملفي المورقي :
لا يا حليلك يا هذه الضلع يا اللي
راسك على روس الجبال متعلّي
تراك دلو ٍ وسـط بيـر امتدلّـي
هذه الصحيح وقولوا اللي تقولون
والله إنك مع هل العرف دلو ٍ وسط بير
هو يسدك موجز العلـم ولاّ نشرحـه
وهقك حظك وحوّلك فالبحـر الغزيـر
والبحر ما كل سبّاح يعـرف يسبحـه
تركي الميزاني :
ما منك يا بن روق غير العوافـي
أبتسلـى فيـك والجـو صـافـي
ولا أنته بلا قِدمي ولا أنته خلافي
سبع الأراضي تحت سبع السموات
أحسب إنك تنطح القوم بالسيف الشطير
وأثرك الله لا يسلمك غـاوي وابرحـه
أنت طير ٍ كاسر ٍ لك جناحك ما تطيـر
لو تُطب السوق ما فيه ربـح ٍ تربحـه
ملفي المورقي :
الشعر ما يؤخذ تسلي وأنا أخوك
خصاً ليا حضره سلاطين وملوك
لكن يوم الناس جابوك مبـروك
هذه الصحيح وقولوا اللي تقولون
ويش وصلّك الجبل والجبل وضعه خطير
الجبل ثابت على طول وأنـت تنطحـه
ودي أنتّف رموشك يصير اللي يصيـر
لو يجيلك من غبونك ضريس و وحوحه
تركي الميزاني :
بعض العرب للتسليـة والوناسـه
والمورقي ما عنـده ألا حساسة
يجاذب الأصوات ويحـك راسـه
سبع الأراضي تحت سبع السموات
المعارك قادها بيننا سلك الحرير
إنتبه للسالفة لا تشرشح شرشحه