صباحكم .. ورد ..











مشاركه استأذنكم .. في طرحها ..
فللحرف .. أبعاده ! .. التي أتمنى أن تصل الى الرقي ..





كتُبت ذات جرح !

.



مادمت ناوي يالبعيد ..
ترحل ، وتتركني وحيد ..
روّح ، وقلبي من بعيد ..
نزفه يخط ( الله معك )..

لا تبيّت النيه ، أفا ..
وانت اللي منبع ، للوفا ..
وأنا اللي والله العظيم ..
أعطي والأعظم ، ماخفى ..
.
.
أرفق علي .. وأنا ش علي ..
ألا أحاول أسعدك ..
أرفق علي .. من عـقـّدك ؟..
عساه ذاك اللي تنام !
ويسهرك مايرقدك ..
ياسيدي وش هالكلام ..

لو كنت اصلاً ، تفقده ؟
. . . . ماكنت ترضى ، يفقدك
جايز حظوظه معقده
. . . . و/جايز زمانه ، عقدك
و/جايز بسكـة موعده
. . . . ضيعت حتى موعدك !
.
.
ومهما يكون ..
قلبي تراه مصدقك ..
قبلي .. ومعاه مصدقك .. !

واسمحلي بطلب هالطلب
آخـر طلب ..
وأصعب طلب ..
يبقى لصدقك يتبعك .. لاتمنعه ..

يا احلى بداياته .. دعه ..
يا اغلى حكاياته .. دعه ..
يا اقسى نهاياته .. دعه .. لا تمنعه ..

يـمكن طيوفك .. تجمعه ..
وتعوضه عن .. مطمعه ..
وألا عساها .. تقمعه .. ياسيّدي ..لا تمنعه ..

ماهو مؤرق مضجعك ..
ولاهو مسيّل مدمعك ..
ولو كان خامس أربعك ..
( انت الجهات الأربعه ) .. !
وكنت بزاويا أضلعه ..
مرتــاح عايش لك بها ..
واليوم صارت مُفجعه ..

وش له بها ..ووش لك بها ..
ووش لي أنا في كبتته ..
دام الزمان .. مشتته ..
ومادام حتى نبتته !!
اللي حفظها وحبها ..
وكانت نفَس لمحبته ..
صعبه تلائم تربته !! ..
وصعبه العمر يفرح بها .. !!
وش ذنبها ..؟! وش ذنبها .. ؟!
يـمكن بتذبل سبته ..
وحسره يموت بـجنبها ..
(يمكن بتذبل سبته ..
وحسره يموت بجنبها .. )

جت فالصميم ..
والله العظيم ..
بس الـمهم .. يا اغلى نديم ..
لا تتركه ..
هاكه معك ..
ماعاد ابيه ..
كل الوجيه ..
اليوم صارت .. واحده ..
والساعه ايضاً .. واحده ..
والروح تعشق .. واحده ..
عشقٍ نزيه ..
لكنها .. ماتت بها ..
خذها بعد ..خل الجسد ..
خذها معك .. حتى الابد .. حتى الابد ..
ياسيّدي .. والله معك !




.....