قصـائد مصلوبـه علـى جـدار النشــر ..
 

:




يمكـن مـن العذب يلـوح العذاب
بس كيـــف مـن العـذاب العـذب لاح

لاح لي وسط الظما وجه ٍ رباب
ثم صبــه في جـــروحي يافـــلاح

والله اني من غــدا للهم بـاب
ماقفلتــه لجــل يفـــرج بالمــلاح

كم خطفت من الخطأ عين الصواب
وكم صنعت من الضعف أقــوى سـلاح

لو تخـون الارض دمعـات السحاب
ماتخــون الساقيــه نبـت الصــلاح

ولو يخـون الليــل فجري بالظباب
مايخــون النــور حي ع الفـــلاح




:

1000 ميــــــــــــــل
 

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جمرة ٍ فاحت على خد الجريح = في زمان الياس والصبر الطويل

المواني صعب فيها نستريح = والشواطي خوف والرمضى دليل

والليالي ضيق والهم الفسيح = والامل احلام ماتشفي غليل

والرضا ماقدر القلب الصريح = والسفر طـّول على باب النزيل

والوصل أعجم وانا عشقي فصيح = والمترجم باكثري ضاع بقليل

وحتى انا لو جيت بشرح كيف ابيح= وبيني وبيني مسافة الف ميل

كيف اقول اني عشقت وهب ريح = من سماي وجاب لي اصدق دليل

كيف افسر : كيف انا يعني أطيح = والالم في داخلي ماله مثيل

كيف اوصل هالشعور المستبيح = بالغلا رجال ماهو للعويل

يحسبني خلي اضحك وانا اصيح = كل ماونيت صفق لي جميل

والله اني ماتسربلت المديح = وحسبي الله دايم ونعم الوكيل

ولا افتح الشباك لو بابي شحيح = ولاوطيت الذنب في خل وخليل

ولو يصح من الخطا بعض الصحيح = ما دخلت العولمه إلا أصيل

ولو اطيح وصوّتوا طاح المليح = قلت طاح ولا يطيح الا الثقيل[/POEM]





..

أرق ..
 

أرق

أرق

هذا الوجود المحترق ..
بين السنابل والعرق ..
والمحبره وشوق الورق
انقضى عمري وانا ..
واقف على مفرق طرق

ما تاهت الخطوه أبد ..
وشلون ضيعت المسار .. ؟!
وشلون بعيوني الامل ..
طاول شموخ الانهيار .. ؟!
وذيك العيون اللي سرت ..
بين الهوى واللي هوى ..
ماعاد لي فيها قرار
كانت جمال ..
كانت خيال .. !
حاولت وبشتى الطرق ..
بنظره منها تنسرق ..
بغفلة الحظ الردي !
تفرد ملامح هالأرق ..
لكنها قد ابعدت ..
قد اختفت ..
خلف القدر..
.. خلف العمر
وصحّت بعيني جمرة ٍ
لاههي ذرفت ..
ولاهي طفت ..
ولاهي ترق ...
ولاهي ترق ..
وكلما ينبت على ..
نظراتي برعم من أمل ..
من قبل مايسكن عيوني ..
يحترق .. !
يحترق .. !
يحترق .. !

ماهومهم / .. !
فارقت اغلا الأمنيات ؟
ماهومهم / .. !
مفقود على قيد الحياة ؟
ماهومهم / ..!
أنا عرفت ان المهم / ..
اني عرفت ..
بإن لــذة هالحياة / .. العيش لما بعد الممات
وماضاقت الا بتنفرج ..
ومابعد حزني العظيم ..
الا فرح مثله عظيم ..
الله كريم ..
ياحب علمني الغرق ..
بغبة بحر اغلى العيون
اللي على كلي تمون
نتفق / مانتفق ..
ماهو مهم ..
المهم أو الأهم.
إنا أبد مانفترق .
ومثلما يصعد على ..
كتفي ملامح من أرق
خطوه بخطوه / نتفق
وكلما تسقط على
السكه لنا زفرة عرق
يسقط أرق ..
يسقط أرق ..

أرق ..

أرق ..

أرق ..

أرق ..

على فكره
 

..


طال السهـر ينتظر بكره
وبكـره ماهـوب فاكـرني

حبيت حتى بديت اكـره !
ياخـوفي الحـب ينكـرني

ياناسي الا على فكـره ..
ماعـاد فكـرت تذكرني ؟!

ماظن بك راحت السكره
وفكـرت بالهجـر تسكرني

لاتامن الهجـر في مكره
يمكـرك من قبـل يمكرني

الحب طيـر الرضا وكره
يمسيـك قبـل يتباكـرني

شب الرضا نعنبو شكره
مابيك لرضـاك تشكـرني

ابيـك لاشفتـنـي أكره
تذكـر هـواك وتذكـرني .



وبس