|
انت
بحره
عشقها الشط ملاها حلا لولو, وصدف رمل ودفا بتموج بتاخذ من النسمات مرجوحه عطر وشذا حب واهات بتمد ايديها بتقطف نجم لتقدمو, خاتم فرح في يوم خطبتها وبتغمر العشاق عضفاف شفّتها انتي يا بحره المشتاق لذوق ميّتها ------------- فسحه مرج بحضن الجبل مزروع حنيه مثل الطفل نايم على زندو والريح يهللّو غفيان بين الوعي والحلم الفجر يضحكلو والشمس تبعث مناديل الفضا وبتلفلفو بالضو بصير صدرو حقل مزروع بقمح خطوط العرق انهار حريه انتي يا مرج قلبي البين ايديي ------ غابه العنق ممدود لحدود السما خضرا وسع المدى خصرا صرلا عمر , زي الكانها ناطره ضو القمر وضو القمر عشقان بينزل وخجلان بيحكي شوي شوي عم بسمعو بيوشوش الوديان بركض لحتى اسمعو بيركض معي وما بلحقو وما بفهمو هذا شبح انتي يا غابه الي همسها اجمل الالحان ----- ببقى انا والليل والعتمه وسهرات وحيطان زهقانه من النظرات وتلال بيقولو عليها هموم بتحمل الذكرى وقناديل الدروب وخيال عم بيدور في الغرفه وصوره معلقه وبرواز فيو مراي ولما عيوني بيدخلو المراي انتي وانا انتي يا مرايه خيالي يا احلى مراي |
( (( انا اول )) ) |
نجدي حاطوم
ــــــــــــــــــ * * * لموسيقاه الشعريّة سحرٌ لا يُضاهيه إلا سحر ألوانه المُستخدمة في الكتابة قبل الرسم . يُدهشني هذا الشاعر بإيمانه أنّ الشعر ومضةٌ ولمحُ بصر وقبل ذلك ومضة ولمحُ بصيرة فيصنع من القليل شعراً : كثيرا . نجدي حاطوم أنتَ مدهشٌ و رائع فشكراً تليق بحضورك . |
نجدي حاطوم ... جميل أن يبعث الشعر الوجد
والأجمل أن يصاغ بقلمك ذو النكهة الشاميه تقديري لك |
نجدي حاطوم
احترامي الكبير لك وللجمال شعرك الراقي يدفعني دائماً للظهور في متصفحك صح نبضك كل الغلا أختكـ/شووق |
مثل الطفل نايم على زندو والريح يهللّو غفيان بين الوعي والحلم الفجر يضحكلو والشمس تبعث مناديل الفضا وبتلفلفو بالضو بصير صدرو حقل مزروع بقمح خطوط العرق انهار حريه من وين يانجدي حاطوم جيت كل الدنيا شعر هنا وابتسامات اذهلتني وابدعت ابدعت يسلم احساسك |
نجدي حاطوم
تراقصت الحروف طرباً على وقع الموسيقى وكان الشعر عنوان رائعتك . تقبل متابعتي لك . |
: الشعر به أغنية لا تنتهي .. نغم ..! الشاعر نجدي حاطوم دام حرفكـ بألق .. : |
| الساعة الآن 02:49 AM |
Powered by vBulletin® Copyright ©2000 - 2025, Jelsoft Enterprises Ltd.