" فيرساتشى " تفاحتك كلها ولا تلعن ابليس؟!!
 

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]حى الرياض وحى اهله وناسه=يوم اشعلوا بالهاف مون الفوانيس
الصيف لولاهم فلا به اناسه=يصير لا جونا ربيعن فباريس
تو اكتمل نصف القمر بانعكاسه=على البحر والموج ريحه نسانيس
يضرب على الشاطى ورجع انتكاسه=يرد لى تقسيم عود ومراويس
ياليلتن ماهى بليلة حراسه=يزفنى شوقى بها زف عرّيس
لملثمه جتنى بحب وحماسه=تمشى بتيه وأبّهات الطواويس
رنّات خلخال وكعبها مداسه=على الثرا وفضامرى له تضاريس
هنا على قلبى بكامل حواسه=بلقيس تمشى بى الى عرش بلقيس
الموت خمر الموت شفّيت كاسه=يوم اوقفت لى بالعيون النواعيس
ترخى عبايتها وتظهر لباسه=الجنز من تكساس والشيرت من نيس
ويفوح فيرساشى ويلعن أساسه=عطرن يصير حصان وان شمّه التيس
وانا رجل شاعر وعندى فراسه=اقرا واشوف الخافيات المحابيس
لكن بحلم وفطنتى والكياسه=خبيت عنها لهفتى والاحاسيس
صافحتها بيدى وحبيت راسه=وقمت اتعوذ من شرور الوساويس
قالت يابو فرّاس وش ذا السياسه؟=تفاحتك كلها ولا تلعن ابليس
اهديتنى جمرك وابا اهديك ماسه=لك شلتها بين الضلوع المتاريس
وخديد ماشافه وشمه وباسه=راع الهوى ومحفحفن مابعد ديس
فداك راسى يامطيّر عماسه=ادخل بجوى واعتبرنا معاريس
الحب يامجنون ملعون ساسه=ان صحت يا ليلى ابا اصيح يا قيس
على كذا جرّيتها للنحاسه=لين انطفت بالهاف مون الفوانيس[/POEM]

فيرساتشي ..

وفالح الدهمـان ,,

اسمان لـ عمله واحده ..


لي عـــوده بعد ان استوعــب ..

صح قلبك

فالح أنت وش قصتك مع هالعطور ...!


أول كتبت بــ جيفنشي واليوم بفيرساتشي..:)

المصيبة العطر اللي يستاهل إنك تكتب فيه ماقربت يمه

يارجل وين راح عطر أمواج النسائي...

طالبك جربه وأنا واثق إنه بيعجبك وراح تكتب فيه

ويبقى فالح الدهيمان شاعري الراقي ودائماً اطرب لقصائده ولكيبوردياته المذهلة

بالمناسبة ... تراني دايم أبلغ بندر المجلاد باالجوال سلامي لشخصك وإعجابي..هو وصلك ولا لا؟

أخوك ومحبك

ناصر حطاب الدهمشي

هلا مشارى



والله ايحييك



مريت وسريت



لاعدمتك

هلا وغلا


الله ايحييك ناصر



العطورات كل عطر له حكايه


وكل حكايه لها قصيده


وعطر امواج ماقد شميته وعويت!


بس اشمه اوعدك انى لعوى بقصيده


واشادتك هنا واطراءك محل حفاوه وتقدير بنفسى


بيض الله وجهك ناصر


ولا هنت


وسلامك يوصله ابوخالد


وعزيز وغالى ياناصر

فائق احترامى وتقديرى الكبير

حى الرياض وحى اهله وناسه
__________يوم اشعلوا بالهاف مون الفوانيس



بلهجة العطر قيلت هذه الكلمة
وهي عطر قدومهم
تحيّاتي

هلا عبدالعزيز



والله ايحييك


مريت وسريت


فائق احترامى وتقديرى

لنا موعد


قريب

أريد أن أكتشف مصدر هذا الإلهام