:

الليل حَيّة ، ولكن ماهي بـْ... رقطا !
ـــــــــــــــــ والصبح عصفور فَلّ الريش في عِشّه

صَحّ المسا صَحّ لوهو ممتلي أخطَا ؟
ـــــــــــــــــ وخطا الصباح ، إنّه يخبّيه و يْخِشّه ؟!

:

قِل فَلْسَفَة / بَلْ سَفَه أو طيش يا أُسْطَى
ــــــــــــــــــــ بلاش من هَالمُدُن محتاج لي : [ عِشّهْ ]!

:

يالغايب اللي من أوّل ثانيَة : أبْطَا !
ــــــــــــــــ تعال شف هالخفوق مبعثرٍ قَشّهْ !

ماني محاسبك رمشك وش خذا وأعطى
ــــــــــــــــ أبيك تلعن أبو هَالقلب و تْحِشّهْ !

:
ألف باء الهباء الإنتماء لكُلّ ماله رغبةٍ بالحُزن ،
فيما يُشبه الخارج من النبض الكئيب المستريب المستصيب
من آخر أحلام الطفولة حُلْم حُلْم وطيش طيش ورغبةٍ بالعيش
ياكُلّ الصّباحات / الفراشات / المساحات الهُدُوء المُوغل بصخبه وْ..
نَخْبه ، وَ أغنّي لك وأنا اللي مالقيت اللّي يغنّي لي ،
بْمَوّالٍ من الإيمان وَ الرُّمّان وآلاف الشُّموع وْ هفهفات الغيم
يَا أُنثى ..
يَا أُنثى
يا أُنثى
.. لها من خارطة هالصدْر مملكتين من تين وْ ..
بقايا أطلال واستحلال و استهلال للماس المخبّى عن عيون الكُلْ !
تصير الشّمْس / يموت الـ... ظِّل !

:
وابعثرني وَرَق ممزوج في حبره .
___________ لو أعيده إلى بحره : يبعثرني .
إذا كان الخفوق الذّابل بـْ...قبره ..
___________ حَيَاني ليت مَرّة بس يقبرني .

:

هنا كان السُكوت يْجَدّل النَّبرة ،
________ مدامك يالكلام العذب : تشبرني .
إذا كانت خيوط الشمس تختبره
________ أخاف تْغِيب قبل اللّيل يخبرني .