بالله إ رجع شوف وجه المدينه = تبكي شوارعها من اسباب فرقاك
 

.
.
.

اهداء لاخوي وصديق الروح {}{ تركي فهد العتيبي }{} المغترب خارج المملكه من اجل الدراسه
وإتمناء إن تنال اعجابكم ..

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]بالله إ رجع شوف وجه المدينه = تبكي شوارعها من اسباب فرقاك
حتى المباني من فراقك حزينه = الريح صوت ونبرة الحزن شباك
والليل بيح في غيابك حنينه = ينشد نجومه وين طلعت محياك
برد . وظلام . ودمعته وسط عينه = راح يتلمس في زواياه يمناك
كنه طفل غاب الفرح عن سنينه = يشتاق لك ويحن لك ويترجاك
والشمس تطلع تسأل الليل وينه = تقطع خيوط الليل من شان تلقاك
تاقف وتمشي كنها لك رهينه = تمشي وتاقف في سماها تحراك
ياصاحبي صاحبك الله يعينه = محداً عرف وشلون حاله بلياك
عزيز نفس ولارضى بالغبينه = البعد يغبن والغبن كيف ينساك
من زود حبك صرت دمعه بعينه = يخاف لاتنزل رجوله توطاك
حال الفراق المر بينك وبينه = يرمى حبال الوصل يمك ولا جاك
شاعر صدى حرفه يترجم انينه = يموت حيٍ لافقد مثل شرواك
هاذا أنا وجروح قلبي دفينه = تعال داو جروح بعدك بلاماك
هاذا أنا ودموع عيني سجينه = هاذا أنا ياصاحبي لاعدمناك
إرجع بدونك بيض الأيام شينه = ياخي حرام إ رجع ترى الكل يبغاك
بالله إ رجع ضاق صدر المدينه = تبكي مبانيها من أسباب فرقاك[/POEM]

الله يريح بالكـ
 

عبد الناصر العالي
دامت هذه المحبه
تحيه تقدير

.

عبدالناصر

لله درك

وما اجمله من بوح

صح لسانك وسلم نبضك

تحياتي لك

عبدالناصر العالي
نص رائع وراقي
صح قلبك
احترامي وتقديري