|
دنياك ياحسين
" دنياك ياحسين"
دنياك يابن العم دمعات وهلال ومن يامن الدنيا من الغافلينا دنيا "دنية" كل يومٍ لها حال ولانملك الا الصبر به نستعينا لاشفت صار الزود بيدين دجال انفض شليلك وابعد هناك حينا لابد ماتصفي ولو طال ماطال ياتي عقب كل ليل فجرٍ مبينا واعزتي ياحسين للعم والخال فنجالهم من طين ماهو بصينا هرج القفى ماهز بالراس مثقال ومادامهن في ظهورنا مكتفينا ترى المواقف للرجاجيل غربال يطيح فيه الغث ويبقى السمينا وشفنا رفاقتنا جديدين وسمال منهم يدفي ومنهم الله يعينا ماكل منهو يلبس شماغ وعقال محسوب لك ، ياسيد العارفينا وترى المعادن به خفيفات وثقال ولايجلي الجنزار قول : اشتفينا ماهزنا أهل المناصب والأموال وأهل البشوت الفارهة اللاحقينا يعني على قول السديري بالأمثال " حنا وردنا جمامها وارتوينا " اللي يبي يكسر صناديق واقفال ويعدل الميزان ،قله : " نسينا " ماشوهتنا طعنة عفون واذيال الروس تقدح بالسطر معتلينا ياحسين يوم مالقوا عيب ينقال عابوا علينا "صدقنا " الكاذبينا ياحسين ماطالوا رديين الأفعال وحنا على روس النوايف رقينا إما نعيش وتقتفي خطونا رجال واما نموت وبالفخر واقفينا . |
: : "ياحسين يوم مالقوا عيب ينقال عابوا علينا "صدقنا " الكاذبينا" حين يزفر الـ "كريم" زفرة الغضب ، تخضع له الأوزان والمعاني ، وتأتي الحكمة بكامل هيبتها ووقارها. شكراً ياكريم. |
كلك مطر يا غالي
صح لسانك وقلبك من شر الغادرين تحيتي |
كريم الجزل او الجزل كريم
صح بيانك وابداعك مالنا الا الصمت امام هذا الالق الشعري .. |
أهلاً ياكريم : كلٌ له " من أسمه نصيب " وأنك كريم أسماً وصِفة .. هذا الشعر لايمكن أن يتصنع صاحبه .. إلا مايتضح ذلك ولو داخل معنى او فكرة في ثنايا النص .. - اللي يبي يكسر صناديق واقفال ويعدل الميزان ،قله : " نسينا " ماشوهتنا طعنة عفون واذيال الروس تقدح بالسطر معتلينا ياحسين يومٍ مالقوا عيب ينقال عابوا علينا "صدقنا " الكاذبينا - النص ثمين .. لكن هذه كَفتني ، عليها وعليك أيضاً شكراً :34: |
والشعر حين يُصبح هو المعلم والمرشد والقائد لا يسعنا إلا أن ننحني إحتراما وتقديرا لمن يمنحنا الموعظة والحكمة والدرس المُجد ...سلمت الايادي شاعرنا الفاضل ودام إبداعكم نورا لدروب كل من قرأ وسمع شعركَ الذي لا ينسى, |
| الساعة الآن 10:58 PM |
Powered by vBulletin® Copyright ©2000 - 2025, Jelsoft Enterprises Ltd.