|
يمكن تغيرت ..؟
، غيرتني ؟ ما أدري أنا اللي تغيرت أنا تراني صرت ما اشبه لذاتي ؟؟ أثرت فيني و البلاء ما تاثرت و أتعبتني فيما بقى من حياتي ..! محمد بن شتير |
، ما بين لقياء من أحبه و فرقاه يبان علم و باقي العلم مخفي ..! الله حرمني شي لكنه أعطاه اللي كشف قوة حبيبي و ضعفي ..! يا ما اضعفه من قبل و الحين ما اقواه و مهما و صفته ما يوفيه وصفي ..! من يوم فارقني و أنا أدعي الله يا رب ترحمني و رحمتك تكفي ..! محمد بن شتير |
على حجم الشعور اللي يجيب الياس مصير الليل يرحل لا اشرقت شمسه ..! تقول الناس والاّ.. ماتقول الناس ترى الأنسان يعرف نفسه بنفسه ..! محمد بن شتير |
دام ناوي تبتعد خلك صريح و ابتعد من قبل تفقد هيبتك ..! لا تدور لك عذر ماهو صحيح لاجل مني تعتذر عن غيبتك ..! محمد بن شتير |
، عن كل حاجة صرت احب الابتعاد و أحب صمتي في زمان الثرثره ما اشوف همي يشبه ل/هم العباد واضحك على تفكيرهم و استحقره ما ادري تشماتي غضب و الا انتقاد و يمكن خروجي عن حدود السيطره أوقات قلبي صلب و اقسى من جماد و أوقات قلبي أي حاجه تكسره ..! محمد بن شتير |
لا يخدعك حب التملك و يعميك مكه تراها ما هيب لاهل مكه ..! لكل مسلم حق في بيت واليك و قلبك من اللي يتعب النفس زكه ..! و اذا دعيت الله علشان يعطيك لا يدخل الشيطان و تجيك شكه ..! من قبل ما ترفع لربك اياديك مفروض باب الياس بايدك تصكه ..! محمد بن شتير |
يا سماء الطايف و مكه و الحجاز كيف ما يشتاق لك قلبي و احن ..! وكيف ما اشعر بالفخر و الاعتزاز دام روحي تنتمي لاغلى وطن ..! محمد بن شتير |
كل يوم اصحى اذا دق المنبه والبلا لخبطت في توقيت نومي ..! لخبطة نومي ماهي من دون سبه كلها باسباب من ضيع علومي ..! كل اموري قبل اشوفه مستتبه وانقلب حالي و زادوا فيه لومي ..! جعل يومي قبل يوم اللي احبه و من كرهته جعل يومه قبل يومي ..! محمد بن شتير |
| الساعة الآن 04:42 PM |
Powered by vBulletin® Copyright ©2000 - 2025, Jelsoft Enterprises Ltd.