منتديات أبعاد أدبية - قلبي صويب الشوق

السلام عليكم
تقبلوا مني هذه المشاركة المتواضعة و أتمنى ان تنال رضاكم

يا صـاحـبـي شِـفْ خافـقـي وشْ ضـرّه
مــتـلــطـّمٍ مــا هـــو بـــخـــابــر بـــرّه

حــالـي عــويــق وْ صـايـبـنّي صـايب
جـوفــي لـهــيـب وْ مـن يـطـفِّـي حَرّه؟

بـقْـضـي نـهــاري جــالــسٍ مِــتْــمَـلّـل
و الـّـلـيـل مــرة غــالــبــه ... وْ مــرّه

بـسـهــر ابــوه مْـن اولـه لـيــن اصْـبِح
و اصْـبِح عـلى نـفـس الـنّـهار و شرّه

يا صـاحــبـي.. لـيـت الـهـوى خـلّانـي
حــرٍ كــمــا بـاقــي الـقــلـوب الــحـرّه

قـلـبـي كــواه الــشّـــوق ... ولا حــرّم
كــلْ مـ انـكــوى يـرجـع يـعـيـد الكَـرّة

و الـمـشــكـلـة كــلْ مـا بَــردِّه عـــيَّـى
مـاهــي بـطـوعـي .. مـيـر شـيٍ تَــرَّه

راعــي الــعـيـون الـسـود .. آآآه مـنّـه
لـ اقْــبَـل عـلى دربـي و هَـجَّـر حَــرَّه

ذاك الــرزيـن الـمـسـتــقــيــم الـهـادي
الـلّـي عـلـى كـثـر الـغـزل مــا سَــرّه

يــمــشــي ولا كــنّ الـبـشـر في بـاله
و هـــو يــصــوِّب كــلّ قــلــبٍ مـــرّه

حـتّـى شـيـيــب الـرّاس لـمَّـن شـافـه
:لـعْـبــت شـيـاطـيـنـه و قـال بـْحــرّة

يـابـو الـخـصـر مـا كـنّــه الا بـكـرج"
لابـــو الــصـدر الــلـي مــوجِّــه بَــرّه

لــو الـشــبـاب يــعــود مـا خـلـيـتـك
"مـا اردى زماني يـا سـويـد الـغُـرّة

إذا شــيـيــب الــرّاس هـــذا حــالــه
يــلّــلـه تــحــســن آخـــره و مْـــقـــرّه

يا صـاحـبـي و انـا عـرفــت دْواهـا
الــلــي يـخــلّــص لــي بـلا هـالــجُــرّة

ما اطبّ درب اهل العشق مروا به
و ارافـــق الـْ تــو الــهـــوى مــا زَرّه

وابـعـد عــن الّـلـي بـلــوتـه تـبـلاني
و اتــوب عــن تَــبْـع الـهـوى بـالـمرّة

بـسْ مشـكـلـة قـلبي و انـا أدرى بـه
كــلْ مــا بَـرَى يـرجــع يـعــيد الـكَـرّة

بـسـام الـرمـيـلي

ملحوظة : كلام الشايب لست محاسباً عليه :)