صمت الأشجار
 

[poem=font="traditional arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

صوتها غيرمثل إحساسها غير=فيه نبرة حنين وعزف مزمار
يشبه الصبح وأصوات العصافير=يوم يفضح غِناها صمت الأشجار
همسها يكسي أسماعي تباشير=كنّ ضحكاتها زخات الأمطار
كان صدري حدايق هي نوافير=تنفث انفاسها في دمي الحار
في خفوفي لها سلة نواوير=وهي على كيفها تطلب وتختار
مالها إلا جزيلات التعابير=من قصيد حروفه مثل الأزهار
والله إني لا أوردها على البير=لين يقطع ظماها عدّ الأشعار
اخطفتني من عيون الجماهير=والتمست لهواها كل الأعذار
لين دقت بخــفّــاقي مسامير=علقت في جدار القلب تذكار
كنه يقول لي تصبح على خير=قبل لـ..النوم يسدل فوقي ستار
وابتدي فيه يومي قبل لــ..اسير=لا صحيت الصباح وقلت الأذكار
جيتها كل أشواق ومعاذير=مادري شلون.. لكن صار الي صار[/poem]

يسعدني أن أكون الأول هنا محتفياً بتغريد العصافير الذي أجبر الأشجار على الصمت من الصباح إلى الصباح
المتألق عطاالله ممدوح

دام إبداعك :icon20:

مااروع حضور الغيم ياعطالله
قصيده جداً عذبه
كل التقدير لهكذا ضور راقي يملئ مساءاتنا باالمطر

عطالله مختلف بهذا النص اعتبره نقله ونقطة تحول فعل ٍممطربهذا
كانت شراقة صبح بكل تفاصيل طقوسه وتسبيحة عصافيره ونفث إنفاسه الرقراقه
كن بخير ايه النقي

الاستاذ الكبير : علي الحسني
ممتن لك ولحضورك ولـ إشادتك
وسعيد بمرورك
لاهنت وبيض الله وجهك

لله درك مااجمل تصويرك وما ارقّ معانيك وما ابعد نظرك