|
الــ : يمنعون الماي !
هذولا : الـ يمنعون الماي ! ولا يردون على ارقامي ويجفّ من الظمى مشتاي ! وليل النايبه يطرب على تنبيش ألامي ! وأنا صوتي تعب يشبه : لــ ( بحة ناي ) ! \ وقف دربي يرتبها : مشاوير الغلا فــ دنياي ومشيت وما معي غير الطريق وخطوة اقدامي حرثت القلب : احاول ازرع الغالين وسط حشاي ونبت غصن الفراق : بــ دمعتين وصدمة احلامي ياهذا الصبر وشبك تطعنه حيلي ؟ وتطيح اشلاي ويمضي العمر ألملمني وحيدة بصحبة اوهامي يصب الدمع كأسه فـ المحاجر : تشربه يمناي ويسيل الشوق بـ كفوفي حروفٍ تتعب اقلامي تجفّ من الحزن بسمه ! جفاف من الظمى مشتاي مدام إن اليباب : بلاد من خلفي وقدامي هنا يأقف : وله ينبض ! وهناك الـ : يمنعون الماي ومابين ايدينهم والظن : يموت من العطش ظامي ياليل النايبه وشفيك ! أما تطرب لـ عزف غناي ؟ علامك تترك الـ ( يامال ) ! وتنبّش داخل ألامي ؟ ياليل النايبه فيني ! وجع يشبه لـ ( بحة ناي ) كأنه قطرة سالت ! من الأعوام بــ ايامي تعب صوتي ينادي للرجا واللي علق جوّاي ولا رد الصدى غير : البروق ورجفة عظامي خطأ والله اجي كلي وفاء لـ صحبتي من اقصاي ولامن صحت اناديهم ! يرد الصمت ع ارقامي كثيــر اليأس ماخلا لــ قليل الوقت : أمل بـ الجاي تخلوا جملة اصحابي ! ولا اسماهم طلع سامي وقف ساقي يرتبهم : دروب من الغلا بـ خطاي ورحلت ومامعي غير : الفراق وعثرة اقدامي \ واظل هناك ... وحيدة بـ صحبة اوهامي وهزيم الرعد : رجفه تسكن عظامي ! وتسيل اعوامي بـ ايامي ! |
حرثت القلب : احاول ازرع الغالين وسط حشاي ونبت غصن الفراق : بــ دمعتين وصدمة احلامي قسمه العمراني هنئاً للشعر لانكِ تكتبينه وهنئياً لنا بهذا الرحيق اللذيذ دمتِ سااااااالمه |
أهلاً وسهلاً ومرحباً تراحيب المطر ياقسمة شاعرة تنسج من الحروف غيوماً شعراً ماطراً تعشوشب له الأرض ويتضوع عبيره في كل الأنحاء دام تألقك :icon20: |
قسمة العمراني
أهلا بك في أبعاد حضور يستحق الأحتفاء كل الشكر والتقدير لهكذا شعر دمتي متألقة |
يصب الدمع كأسه فـ المحاجر : تشربه يمناي ويسيل الشوق بـ كفوفي حروفٍ تتعب اقلامي تجفّ من الحزن بسمه ! جفاف من الظمى مشتاي مدام إن اليباب : بلاد من خلفي وقدامي هكذا هي قسمه العمراني تداعب الكلمات وتراقص الحروف وقت وكيفما تشاء وتجبر الجميع دائما على المثول أمام نزفها الصادق في إحساسه والمذهل في صياغته,, قسمه العمراني وخالقي نص باذخ ولا يجيد كتابة أمثاله إلا الكبار شكرا لك بحجم العذوبه التي توشحها نصك ولا عدمنا هكذا هطول,,, لروحك أكاليل من الجوري |
البيضاء حتّى النور : قسمة العمراني ... تأتين في الصباح لتكوني الضوء والبهجة والسرور .. ياأهلاً ياقسمة العمراني بالشعر والشاعرة وبالصباح أيضاً .. |
قسمة حياك الله
حيا الله الشعر وراعيته نص راقي بقلم مبدع صح لسانك دمت بخير |
قسمة العمراني ..
شاعرة البحر والسواقي والنخل .. شاعرة تسكب غمام روحها على حقول بوحها .. لها في أوردة الفجر شعر يسر القادمين من أودية المنتظرين .. القديرة ... قسمة العمراني مرحبا بكِ وبالشعر الذي يسكنك.. حضوركِ حبور وتواجدكِ نور .. تقديري . |
| الساعة الآن 11:40 AM |
Powered by vBulletin® Copyright ©2000 - 2025, Jelsoft Enterprises Ltd.