منتديات أبعاد أدبية - الركن البعيد السادي.. !!

الركن البعيد السادي!!
.

مشهد الرمق الآخير .. في موعد مهجور..
المكان : Dubai Marina
المنطقة: the walk dubai marina
بسمة: نادلة في المقهى
.
http://www.youtube.com/watch?v=c47Zs5UB7Io

.
http://www.ab33ad.info/up/uploads/im...9ee116d0c7.jpg
.
سكرة الحب!
واحتضار الأسير
اسمعوني من الأخيــــــــــــــر:
قبل موعدنا اقلب في ملابس رحلتي
قبل موعدنا تهندمت بملابس غربتي
في غرفتي
افسخ ثياب الحزن والبس فرح
كنت أشعل مبخرة حزني وتسقط دمعتين
واستكين
وارجع أشعلني وأسألها : ابــ /تجين؟
بذمتك ما تخذلين !
لحظة حنين!..
..
يااااااه يا بطي الثواني
يااااااه يا مكبر جناني
ما بي اتأخر عليها
مد لي المنفى بعض طيب الأماني
وكنت اناني
كنت اسأل حظرته قلي شـ اسوي
ارتباكاتي تبعثرني وانا بالحب توي
ويش اسوي
ويش اسوي
قال : ...
ما قال شي
كان في وجهه ملامح بعضها ما بان لي
وبعضها الأخر مخيف
يشبه أوراق الخريف
ما علينا يا المنافي،،
]لا تخوفني ترى ما بي كافي[
ما كتبته فوق اسميه اعترافي
مو مهم اللي كتبت
الأهم
ما اتأخر بلحظة عليها
]تهت فيها![
وسجلوا هذا بعد ضمن اعترافي
برضو يا الله ما علينا
يالله قوموا ننقل المشهد من الغرفة إلي موقع لقانا
الشوارع فاضيه
لكن طويلة
نفس دربي اللي اروحه للدوام
ما تغير شي لا ولا زاد الزحام
بس أنا فيني هيام!
غرام
وكانت الساعة تمام
يعني كم
مو مهم
الأهم اني على الموعد لفيت

http://www.ab33ad.info/up/uploads/im...9974ffc04b.jpg

إيه جيت
وقابلتني ابتسام بضحكة وغمازتين
وأخذت المعطف من أكتافي
إلي ركن الحنين
وقلت يا بسوم جيت
وبغرابه طالعتني واستحيت!
قلت يا بسمه انا مواعد حبيبي
قلت يا بسمه انا مواعد بنيه
مو بنيه
لا وربي كل بنات الكون هيه..
..
ثم قلت:
يا بسمـــــــــوم جيت
من قبل موعد لقانا
طالعت يمي بحزن
وجات بتغير مكاني
وكنها تلعن زماني
وهي تتمتم : قلت أنا ما افهم كلامك
وبـ لطافة قلت يا بسمة علامك؟

http://www.ab33ad.info/up/uploads/im...019aef0151.jpg

قالت الركن البعيد
مو سعيد حاول تغير مكانك
قلت عادي
وكان زايد بي عنادي
قلت عادي الأهم يا بنت جيت!
وانتظرت
واحتضرت
كنت في موعد حنيني
كنت اشرب كل لحظات الغياب
بن ساده برتياب
طعم قهوة غيبته ماهوب عادي
كن هذا الركن سادي
قبل هالموعد اعرفه كان هادي
وبعد هالموعد فقد بعض الملامح
صار نور الشمع فاضح
صاح هالمقهى يدينه
الكراسي فاضيه والطاولة صارت حزينة
وقلت وينه؟
ليه طول في غيابه
ويش صابه
ليه خانت عقرب الساعة إيابه
انزويت بزاوية صاحب سمو الانتظار
و الاحتضار
كنت انفض عقرب الساعة
[ويتساقط نهار]
صرت أأخر عقرب الساعة
و[تتكدس غبار]
ويش صار؟
ودي اسألها ولا ودي تجاوب
وصارت الساعة [تثاوب]
لعنبوها تحتضرني
تختصرني

http://www.ab33ad.info/up/uploads/im...6416276ac2.jpg

عشت بعض الصمت مابيني وبيني
وابتسمت بوجه شقران وأنيني
وابتسم حظي وجات
تختصر كل البنات
سيدة للفاتنات
جات من كل الجهات
قالت القهوة علينا!
يالله بنسكر مشينا!
قلت يا بسوم بدري
قالت ادري
قلت بـــــــــــــــــدري .. موعدي ما جا حبيبه
قالت ادريـــــــــــ
وأنت ما تدري عن الركن الأخيــــــــــــــر!!؟
أن ما عنده ضمير
ما وفى لإنسان قبلك
لا ولا أنت الأخير!!
وبهدوء أنثى خذتني من يديني

http://www.ab33ad.info/up/uploads/im...08e388fcb4.jpg

براحتيني
أشعلت فيني حنيني
وقبلت قبلة جبيني
وجابت المعطف و جات
ولبست كل الجهات
انكساراتي
و أنا
والساعة
و ودمعات بسمه
والزمان اللي ابد ما فيه قسمه
وعاودت نفس السؤال!
أنت ما عندك حبيب؟
قلت بســــــــــــــــــــــــــــــمه!!
قالت افهم مو سؤال
لا ولا هذا احتمال
كل ما في الأمر إني
كنت اقرأ
في جبينك وش كتب لك والنصيب !!
وان ما عندك حبيب!
عادي يا شقران انسى
باكر قليبك يطب

--------------------------------------------------------------
عذراً على عبثي بالأبجدية كل ما في الأمر إني كنت اهذي l
--------------------------------------------------------------
.
.
.
Shgran © øfficiαl ρяôfιlε 2010¬
A █║▌│█│║││█║▌│║█║▌A
Dubai، United Arab Emirates
♥ .. s & h.. ♥
All Rights Reserved
الساعة: 1.32 صباحاً
السبت 18/ديسمبر/2010