|
آهـ
..:
واخذ يكتب جروحه وانكساره في طرف ( بوفيه ) * ................. يذوب من القهر وسط الزحام فـ كاسة الشاهي يبلله الحنين , ودرب ماضي ماتعب يمشيه ................. عتب مدري تعب كانت ملامح .. عذره الواهي سرى به حلم يتشرّب سرابه , يكتبه يمحيـه ................. على مهله يموت من اختناق آصابعه , ياهي .. غريبه حالته وان قلت الاغرب منه لا مافيه .. ................. صدقني شِـعره اللي ماتعثر .. غير بـ شفاهي على رمضا ظنونه قال : يلـّه سمّ ياباغيــه ................. قصيد ٍ ... ماتمل الناس تقرى شيـنـه الزاهي ! بدى يكتب : بلادي يابلادي , واعرقت كفـّيه ................. سِِكْت .. فكـّر يعيد .. وطال صمته , بالسما ساهي تساقط من أعالي خيبتـه لين اسفلـه , ويديـه .. ................. يحاصرها سكوتـه والحزن بـه حييييل متباهي كأن الطاوله والشارع اللي يعتريـه التيــه ................. هم اكثر من شعر بـه يوم ضاع فـ زحمة اشباهي بكاهم لين صاحو في لسانه : من انا ؟؟ طب ليه ؟! ................. واخذ يدوي صداهم في مكان الكل به .. لاهي ومن فوقـه تطير الذكريات من العطش تسقيه ................. تناديلـه .. ولا في داخله من صاح به : ناهي ! على هالحال ظل , وبـ ارتباكه ترتكب رجليـه ................. دروب اغبـا ذنوبـه , والخـَطا في جعبته باهي ........ .......... هنا ... ... قام بـ ثقل , لملم جراحه والتعب ماليه ................. سأل بعضه على بعضه وراح فـ عذره الواهي نسى نفسـه وراه وماتدارك .. في ظهر كرسيـه ................. نسى يدفـع بعد .. حق البوفيـه وكـاسة الشاهي . . . * المدينة النبويه ـ الجرف ـ طريق الجامعات ـ بوفية "ريمـا" ـ خلف محلات الحربي :) اخوكم الصغير ومحبكم ../ عاطف . ـ |
* النّص : حَيَاة. آخر اسمك: قَيْد! لذلك سأصْمُت.. إلى أن أجِدَ نافذتي. |
قصيد ماتمل الناس تقرى زيـنه الزاهي
: من أول كاسة الشاهي لآخر حرفه الباهي ممتع إلى حد النسيان " نسى نفسه وراهـ وماتدارك في ظهر كرسيه " عاطف لك الشكر بلا حد |
عاطف الحربي ـــــــــــــ * * * يُثبتُ هذا النص بأنّ الـ [ آه ] بإمكانها الخروج منك في أي مكان وإليها الشعر ، ومنها . كل شكر وشعر لك . |
عاطف الحربي...
شاعر..يجعل..من..اللاشي..شعراً..وسحراً.. ومن..الـ آه...شيئاً... من اغاني... كم..لحرفك..من..هيبة... دمت بعز.. |
. . مازلت أتذكر " مع الشكر والود والتقدير " سألني عبدالله الثويني بعد أن قرأ ردي على تلك القصيدة وش رايك بقصيدة عاطف الحربي قلت له كما كتبت في ردي " سرقت النوم مني " . . والأن هذه الآهه تـُعيدني لي عاطف الحربي من خلال سحابتين لون بهما سماء أبعاد شتتنا / وبطيب وكرم عاد ليلملمنا من بداية القصيدة التي كأنها تتمة لحكاية سابقة وصولاً لكل تفاصيل الآه بدى يكتب : بلادي يابلادي , واعرقت كفـّيه ................. سِِكْت .. فكـّر يعيد .. وطال صمته , بالسما ساهي تساقط من أعالي خيبتـه لين اسفلـه , ويديـه .. ................. يحاصرها سكوتـه والحزن بـه حييييل متباهي كأن الطاوله والشارع اللي يعتريـه التيــه ................. هم اكثر من شعر بـه يوم ضاع فـ زحمة اشباهي بكاهم لين صاحو في لسانه : من انا ؟؟ طب ليه ؟! ................. واخذ يدوي صداهم في مكان الكل به .. لاهي الله الله دعونا نُـعيد ترتيب أنفسنا فنحن في حضرة الصدق ولذا لن أجد قيد يمنعني من إهداء هذا العاطف كل النور تحياتي |
فصل من مسرحية الآه .. على كرسي الحياة .. الشاعرعاطف الحربي .. شكرا لك ولحرفك .. تحيتي .. |
ظهر معك الشعر بأبهى حلله
أستاااذ ياعاطف لك أطيب الأمنيات |
| الساعة الآن 12:33 AM |
Powered by vBulletin® Copyright ©2000 - 2025, Jelsoft Enterprises Ltd.