|| غيبتك مررره وعلقمها زيآآآآده ||
 

[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

غيبتك مُــرّه وعلــقمـها زياده=وش سبايب غيبتك قلّي فديتك
لاتعـلّـقني وانا مابي جَلاده=لـ/إنتظارك بعد ما لهفه ضميتك
ليلة البارح وطيفك لي وساده=احتريتك واحتريتك واحتريتك
يوم راح الليل واتـّــفــتـّــق سواده=وبان صبح مع تغاريده قريتك
ابتدا شعري يسطر من مداده=مايسليني وانا ماقد سليتك
لا طريت الشعر يعبدني عباده=الشعر بلوى وانا فيه ابتليتك
من حروف الشعر لبّستك قلاده=تبخل بمدّك وانا ياما عطيتك
مشكله لاصار فيك الصد عاده=وانت تدري لا رجعت البيت بيتك
ليتك تقدّر غلا القلب وداده=وياكثر ما قلت لك ليتك وليتك
ماحدن حصّل بهالدنيا مراده=وإلا انا لو هو على كيفي نسيتك
السهر لو هو تعثر بي جواده=وانثنى جفني مع احلامي لقيتك
لكن اشهد لك , ولله الشهاده=من شرب شوفي لشوفك مارويتك
كل شي يُمل منّه بالإعاده=غير شوفك والتفاتك لا دعيتك
ادري انك منت في حاجة اشاده=مختلف حتى بلبسك واتكيتك
شاعرك عاده على خبرك وعاده=ايتوجه للقصيد ان مر صيتك
ياصباحات البيادر والسعاده=انتهى موسم حصادك ماجنيتك[/poem]

للة درك وما أجمل عطائك ياعطا
جميل أسلوبك وجزيل ماقرات
ودي لشخصك

نص فاخر يا عطالله
دمت ودامت هذه الشاعريه
احترامي

عبدالسلام


شرفتني يالامير بهذا المرور

ياصباحـات البيـادر والسعـاده
انتهى موسم حصادك ماجنيتـك

مسا الشعر يا عطالله
لقد نهلت هنا سلسبيلا
وانتشيت
لك أحرف من اهداب السحاب
فاسم بنا .

"

"


مساء الشعر والبوح المختلف


العذب

والعذب ايضا


"
السهر لو هو تعثـر بـي جـواده
وانثنى جفني مع احلامي لقيتـك
لكن اشهد لـك , ولله الشهـاده
من شرب شوفي لشوفك مارويتك
كل شي يُمـل منّـه بالإعـاده
غير شوفك والتفاتك لا دعيتـك


"

كم انت جميل


لك الصبح والحب

شرفتني يا وليد

لاهنت يالغالي