|
سلطـنـة روحـــي ..!!
عودة بعد غياب ..
بعض من اناشيد السفر ... إهداء غلى سلطنة روحي .. صباحك ضلوعي .. وليلك .. حناياي ويومك أشعاري .. وشمسك قصيدي يا موطن .. يسوى .. من العمر دنياي اللي مضى لي منه .. واللي برصيدي (عـمــان) .. يا مرفا سنيني .. ومرساي يا .. (سلطنة) روحي .. وجنة وجودي عمان .. يا مبداي .. ويا غاية مناي يا قصّة .. اول نبض .. حلّ بوريدي يا صمتي وبوحي .. صباحي وممساي يا امي .. ودمّي .. وأبوي .. ووليدي اشتقت لترابك .. ولو كان .. برضاي أخذت منّه .. زاد .. فــي .. لمّة إيــدي وحشتني .. نخيلك .. وترنيمة الماي ولحظة .. فيها .. دعاي .. وسجودي ولهت عــ دروبك .. اذا مرت خطاي أشمّ فيها ريحة .. امس(ن) .. بعيدي مدي يدينك .. واحضنيني .. انا جــاي زيديني .. الليلة .. من العـزّ .. زيـدي جيتك سحايب عشق .. وجبت ويّاي طيور .. تغريدي .. وفراشات عيدي بدفتري .. بيتين .. وبشنطتي .. ناي خليني .. اعزف لك .. واردد نشيدي: أغيب .. واتغرب .. وألاقيك .. "منفاي" وأردّ لك .. يا عمان .. وألقاك "قيـــدي" تعيشي حرّة .. ساكنة .. في .. خلاياي يصونك .. المولى .. بقابوس .. سيدي |
اقتباس:
هذه انشوده يا بدر وين هالغيبات ... طمني عليك حينما يكون الحديث الوطن ،، ثمة غناء في الداخل تعزقه الاورد والشرايين ويتراقص له النبض دمت كريما خ |
الشاعر::بدر.. صح لسانك ملآيين.. أبيات قمه في الروعه..والإحساس.. ولا أقسى من غربة الأوطان!! تقبل مروري.. دمت بود |
اقتباس:
الغالي خالد لازالت أرصفة الغربة تلعق ذاكرتنا الا من وطن بورك فيك ولابد من مسقط وان طال السفر بدر |
اقتباس:
لك كل التحيات على المرور |
عمان تستحق و أكثر يا بدر .. و حضورك بها شعراً هو حضور آخر جداً .. و قد أبدعتَ في كل حرف يتلألأ بها .. كل الشكر يا بدر .. |
اقتباس:
ومرورك يشبه العيد شكرا لك وبورك فيك |
| الساعة الآن 11:24 AM |
Powered by vBulletin® Copyright ©2000 - 2025, Jelsoft Enterprises Ltd.