تسجـيل خـروج
 

للذاكرة .. فقط ..
 

[poem=font="traditional arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أنا هنا يا امّ العيون اللي تَلَفّت بالزحام=وقَّفتي الساعة (سنة) واشعلتي الارماش شَيب
ياطول ليل , والقمر! علمي به بعلم اللثام=اللي لثم قلبي معه واقفى وتقفَّيته (غريب)
أنا هنا شاهد ومشهود الجزيل من الكلام =اللي يِقفّا وينوزن ويِصَب في سِمع اللبيب
جينا انا وقافي وحبري والقلم بالحال شمام=على حثيث الهاجس اللي لاسعى ماهو قريب
جينا على صوت التراحيب الجزيلة والسلام=يوم ان ريح الطيب فاح وعمّ بالأرجاء (طِيب)
يخاشره ريح البخور اللي على الجمرات قام=اللي مع الغربي يصيب ثياب صحبان وحبيب
اللي يشوفه من بعيد يقول: وش صحّا الحمام ؟=قلنا : يشوف الليل صبح , النور ماحوله مغيب
يعرج به عروج البروج اللي يعانقها الغمام=اللي ليا هبَّت قبول تصيب والخاطر يطيب
تجذب _مماحيل العيون اللي شِقَتْ قبلة وشام=_جَذْب المقوَّس بالسبيب اللي شدا واطرب سبيب
أمَّا بعد والشعر مسلول الرجل عقب الحسام =وانا سليل الشاعر البيطار والجد العريب
عوّاد بن صالح حمد زوغان , جدّي باللزام=اللي رِشم عين الثريا للقمر وسط الجليب
ورّثني لسانه على سنّ اللبن عقب الفطام=واصبحت اقرّض به وَلَع حتّى غدا لساني رطيب
وَرَدْت وجروحي على مورِد جزيلاته زحام=ضميان ازمّ اعذب زلال الفاظ أذْوَبها : مُذِيب
........................................=......... ...............................
صَدَّرت ادرهم به (كميت , أدهم ظَهَر , واحْجَل قَوام)=أسوط له موج البحر واهذب على قاعه هذيب
ما آقف على شطّه واقلّد شاعرٍ بالجم عام =لي فكري الحر العميق وما لغيري به نصيب
غامرت به واغرمت به مغمور غامره الغرام =شبّيت اشبّه بالورق تشبيب شَبْ ومايشيب
أروم به شُمَّ القِمم , همّ وهِمم , واغنم مرام=واخطب به مْن اقصر خَطَب ياقف على لساني خطيب
أشفي به اوجاعي واطيب بحينها من كل سام=وآسم به قلبٍ لقا سمِّه ولاسمَّى طبيب
.......................................=.......... ..............................
سلطان بن سعد فرج ,واقوم عن ذاتي قيام =لاعن مقام آبو فراس ولامقام اشهر أديب
[/poem]

إعتذار مر
 

[poem=font="traditional arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الحزن ماهو على هالك ولا مدمَّر=والغيض ماهو على منـزوع ومنازع
حزني وغيضي على مأمور ومأمَّر=لايملكوا نخوة ولايعتقوا فازع
[/poem]








[poem=font="traditional arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
نُولد من الطينة يتاما وغرابا=نرضع على الشارع والاحظان طينا
وهذا انا طفل وزنودي شبابا=يتيم ماحولي من العالمينا
أصحى على حرب وصياح وخرابا=واسمع اخي بيقول : القدس لينا
أفزع من الهندول ثمَّ آتحابا =واضحك على عتبة ملاذي حزينا
إلى متى واحنا نهشَّ الذبابا=عن فقرنا والخبز غالي علينا
والى متى واحنا ضعاف وغلابا=والي متى والصمت يكتف يدينا
الصبر عاصر مهدنا والمشابا=نشرب مرار ونرتوي شاربينا
عفنا الحياة اللي معاب بمعابا =يالله نصراً عقب هذا مُبينا
[/poem]

.
 

[poem=font="traditional arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
البارحة والعين يسهر بها ( لَوْع )=والقلب ينهش في معاليقي ( لِيَاع )
عيّيت اسرّج رايض القاف لايثوع=من خوْف غمضة بين الاجفان تنثاع
والحمد لله نامت العين بخشوع=واصبحت امغّطها على شعاع وشعاع
الله يا ابو عايش ولا يذلّنا جوع=شفت الثلاث اللي على جالي جياع؟
أخَيْرهم فالطبع مُرهف ودلّوع =اليا احتمى الميقاف يهتلَّ الادماع
[/poem]

الله أكبر
 

و




[poem=font="traditional arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] أذّن المذِّن وقمنا للصلاة اللي علينا=سجدةٍ لله تغني عن شقا الدنيا واهلها[/poem]

لم ترد !!
 

[poem=font="traditional arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
عد كم ( مالم ترد) وشوف كم مرّة ذكرتك= لم ترد / ولم ترد / ولم ترد / ومانسيتك
ياحبيبي ما أمنّ ليا تعذّرت وعذرتك=بس كم (مالم ترد) وكم اود انّي لقيتك
ليتني ممَّا شريت من الحبايب (ماخسرتك)=وليتني ممَّا خسرت من الحبايب (ماشريتك)
[/poem]

واحد طيش
 

دُما جميلة ودُما قبيحة
ومسرح
وخيوط المشاهد معلَّقة باناملي



[poem=font="traditional arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
تمادا الظل في طوله وشلت الخيش=اجوع للقمتي واعرق لها طوّاف
اعزَّ النفس واسترزق زهيد العيش=واحدِّب ظهري لحمل الثقال خفاف
واعطّش قلبي الظاري على التعطيش=على العدَّ الهماج ولا اغترف مغراف
واشيل الخيش وآحطّه لنصف قريش=حلال وينكتب في خانة الآلاف
واقيس الظل واحسب ساعة التغبيش=واخفَّ الخطوة وأرقى على المشراف
انادي والصدى يجاب ونداي بأيش=أرد (اهوااااا) وابحَّ الصوت قبل (الكاف)
قهرني كافي العشِّيق بالتهميش=وثرت استشعر غياب النهار الجاف
أبا افتل من شعاع الشمس سلك وفيش=واولِّف له ورى البؤبؤ (عصا ولفَّاف :)
واشكِّه في مخيخي كهربة تنعيش=واجزِّع هاجسي واطمّنه (بالقاف:)
واهمهم بين صمتي والكلام الليش=واعيد حكايتي من بادي الأسلاف
بديت وعدّوا الأطفال (واحد طيش:)=ولكن مالقيت عن العتب محراف
لقوني دون ما اتخبّى عن التفتيش=انا آدوّر على نفسي عشان انشاف
كبير اكبر من الاخياش والتخييش=وليه انخشّ والدعوى علينا اجحاف
وفجأة في زحام الهرج والتطفيش=بِكت طفلة وصكَّت فمّي الهتَّاف
ضَحَكت آلعِّب الطفلة على الدنديش=أسكتّها واجفّف محجر المذراف
ندمت آراعي الصبيان والدرويش=ندم آجاري التخريف والخرَّاف
ندمت ارقِّص الهيفا على القرقيش=واقيس مخلخل الخلخال و ( ......)
ندمت اجامل وأتجاهل التحريش=واصمِّم مسمعي واقفي عن الخوّاف
حصان اكديش طابت له فرس اكديش=هَمَل تسرح بلا سايس ولاعسّاف
واذا كانت فنون اللعب بالتغشيش=انا المهزوم واتشرَّف وماش خلاف
قفلت اللعبة وقامت بكرت (الشَيْش)= ومات (الْيَكْ) في يدَّ الخشيم وطاف
تذوووب الشمس في فمَّ الافق بشويش=وتفصخ من ورى الغيمة شَفَق شفّاف
اطرِّف مغزل جفوني واعضّ رميش=أدوِّر للبصيص المنكمش أطراف
واقضّ من الشفق وانتف سحابة ريش=واحيكه للشماليَّة ذرى ولحاف
وافرَّ الهاجس القدَّاح للتشويش=واقدِّح :بَرق , أزهم : رعد , أهبَّ : افَّاف
واغيِّم : هم , وازفر : خيل , واجمع : جيش=واغير بسيل ظالم واكسر المجداف
واجور بطيشي الأرمل , وايتِّم : طيش=واخلِّي عهدها الباقي : سنين عجاف
[/poem]

ميم مأدوبة
 

[poem=font="traditional arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا امَّ الثمان اللي لَحَقنَ العنب : أربع=مصَّن حلا القطفات في ميم مادوبة
خاخا لهن (خا)مسِّه اصبع عَشَق إصبع =أعذب من متمتم هذاريه : مكتوبه
يكتب على عيوني (جلا) وينسخ ويطبع=له في شفاي ذنوب تستنطق التوبة
هايم معه في حجر الاوراق ما أشبع=أشرب من شطوره محابير محلوبة
له صومعة حول(الجدي) تخسف (السُبَّع)*=جوديِّه يجوب المجرَّات ويجوبه
واديه في آخر مدى ناظره يَنبَع=دلوي يهيم بسر خمرة حلا كوبه
.=.
.=.
.=.
خلِّك معي ياسَكرةَ القافية (يُتبع)=.
.=.
.=توّي بديت اتعمَّق بقاع مشروبه
.=.
.=.
خايف وانا عايم على مغازَلِه (يزبع)=في زوبة زعلاته امصار منكوبة
في عاقد حجاجه أخاف القمر يقبع>=بالشمس وتصير الأراضين مقلوبة
ويصير ضوَّء الشمس_ في مشرقه _ أجْبَع=ونصير نتنفَّس هوا ثاني رطوبة
[/poem]