شـط المــزار
 

[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الله يسامحك ماشفتيني اقلق عليك = وانتي معي كيف لاغبتي ومت انتظار
والله ، لو اعرف مكانك ما انتظرتك لاجيك = لو دونك اعصار واخطار وجيوش وحصار
لكن وين اتجه ياحظي احترت فيك = أطردك صوب اليمين تصد صوب اليسار
ليتك تجملت مره دامني مرتجيك = قبل اشرب الياس من كاس احتضار المسار
إن تكسب انسان مثلي فاحتياجه إليك = تحتاج له .. لو خسرته ماكسبت الفخار
لايهتويك التعب فيني صبر يحتديك = بالي طويل وطموحي ما التفت للصغار
ياروح روحي فديتك مهجتي تحتويك = مالي عليها قرار وهي لك اثبت قرار
هذا أنا لو بلغت اخر رمق ببتديك = واحيا بذكراك واعشق لذة الإنهمار
لو احتريك العمر تستاهلين احتريك = مانتي بأية أحد والا فغيرك كثار
لولا اخضرار المشاعر ياحياتي تبيك = لاصفح عن الحظ لكن الأماني كبار
الله يسامحك شوفيني بليا شريك = ماغير همي نديمي يوم شط المزار
[/poem]

استاذي الكبير ..علي الحسني ..
حينما تحضر يفوح الشعر عطراً
وترتسم ملامح الدهشة فناً
وتصبح الحروف ورود
ببستانك يا وطن ..
شكرا لك استاذي
وجمعة مباركة

علي الحسني

مقترن أسمك بالشعر الحقيقي

كما عهدتك
جميل

أجمل الجميلين أنت ’


الشعر يخرج من روحك , كالإبتسامة التي تهطل من شفة الطفل !
جميل جداً جداً لولا الغياب :)


و

أحبك جداً :)