،،

السلام عليكم ورحمة الله وبركاته
***
قصيدة تتحدث

عن فعل ... وردة ... فعل

لكنها .. لا تساوية بالمقدار ....

ردة فعل ....

لكنها حاسمه كضربة سيف ....

من يد .... ثابته .....

لا ترتعش ......

قصيدة بعنوان ... كــــــــــف يــــــــدها

،

،،،،
شافها بالعين ظبي ٍ شــارد ٍ وجل ٍخلاوي
كنـها بــدرٍ يشع النـــور من فتنة جسدها
***
بنت أملود ٍ طويله ناعمه بيضا تساوي
نظرة ً منها حيـاته كلها مهما وردها
***
كانت الساعه ثمـان ونص أو ذيك الحراوي
من مسـاء ٍ كل نسـمه بـارده حـره طردها
***
اصبح السوق بعيونه من جميع الناس خاوي
مايشوف احــد ٍ سواها فـاتنه تمشي وحدها
***
بـنـت تسترها العبـاة وطبعها طبع ٍ حياوي
يفرضه إسـلامهــا اللي عزها واعلى بلدها
***
قـام يتبعها عيــون وجسم وافكار وخطاوي
كنـه من اقرب أهلها زوجها والا ولدها
***
وابتدا ينسج خيوطه ، استعد وكان ناوي
وانتهى من كل فكره عقل شيطانه عقدها
***
والخيال اللي تصور عشق ترويه الحكاوي
أسكرته احلى المشاهد في حياة ٍ ما شهدها
***
كوكب ٍ ماشاف مثله ، عالم ٍ ماهو سماوي
ثــورة ٍ تشــعل حطبـها كل رغبة ما وأدها
***
قرب وكتـفه يلامــس كتـفها الغض النداوي
أبعدت والخوف يرسل عاصفه يرعد رعدها
***
كرر الفعله جـراءه أو تهـور شخص غاوي
قبـل مـا يرمي عليـها رقــم جواله بعدها
***
فاجأته بـرد حاسـم تحتــرق فيه الرجاوي
والتهب خــده بصفعه كاسحه من كـف يدها
***
طاح في شر الفعال السـود وشراك البلاوي
والثمـار اللي زرعها ابليس باعماقه حصدها
***
ماتخيل كيف شكله والخجل ماهوب ياوي
والفشيله منــه تشفي غلــها تطلع عقدها
***
من تعاسـة حـظ ذاك المغرم الصب الهواوي
إن عيـنـه يـوم رب الكـــون بالشوفه قردها
***
شاف لـه بنت بدويـه ماتخاف ولا تراوي
بنت عــز وكل حــق تاخذه من (كـف يـدها) .
***الشـاعره: بــدر البــدور

ونعم ونعم ونعم .. . وأنا أشهد إنك بنت رجآل

نص نقي كـ نقآء وطهر البدآوه

صح لسآنك يابدر البدور

ووووتسلم يدك

..

صح لسانك و اعتلى شانك ي البدور

رائعة وَ جَميلة وَ حاسمة
لله درك
وأهلا ً بِكْ نُورا ً
..

:
أهلاً..بِكْ..يابدر..البدور

بدأ..النص..جميلاً..وَ..مُتَسَلّسِلاً..بـ شغفهِ للبيت..الرابع..!
حتى..وقع..[ بالتناقض ] ف البيت الخامس..عندما..ذكرتي..فتنة..النور..الذي..رآهُ..من. .جسدها..!
:
شافها بالعين ظبي ٍ شــارد ٍ وجل ٍخلاوي
كنـها بــدرٍ يشع النـــور من فتنة جسدها
x
بـنـت تسترها العبـاة وطبعها طبع ٍ حياوي
يفرضه إسـلامهــا اللي عزها واعلى بلدها
:
لا..أعرف..اين..رأى..هذا..النور..الذي..يشع..من..جسدها..؟!

القديره بدر البدور


صح بوحك الراااقي



نص أكثر من راااائع


شامخ في معناه ومبناه


وتسلم يدها ويستاهل ماجاه


وكفوو فيك وفيها


ودي وتقديري