حلم وردي .. !!
 

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ماهي جديدة تقدر اتعيش بعدي .. !! = بسّ الجديدة أقدر آعيش بعدك .. !!

سخّرت في شرع الهوى كلّ ودّي ,, = والي جنيته من محبّتــْكـ صدّك .. !!

لو بسئلك كم مرة ٍ جاك صدّي ,, ؟! = آنا بجاوب / كثر ما شفت ودّك .. !!

أحلامي الي عشتها ,, حلم وردي .. = كانت : أحبّك ! وإنك تـْصون وعدك .. !!

بنساك وأعلن لكْ من الحين بُعدي .. ! = دامك هدمت أحلام وأعلنت بُعدك .. !!

لا تعتقد شايل فـ هالقلب حقدي .. !! = آنا رحلت وداعي اتعيش سعدك .. !!

سبحانه الي ردّني صوب رشدي .. ! = خلاني أنطق للهوى ,, بسّ !! حدّك .. !

وإن كنت يا قلبي تبي اتصير ضدّي .. = إبشر بعزّة توقف اليوم ضدّك .. !!

وإنت َ حبيبي .. روح ..!! ماهو تحدّي .. = كل شيّ فيني طالب إني أهدّك .. !!

صدّقني ماهي سالفة ما انت قدّي .. ! = أو قلت هي من باب مانيب قدّك .. !!

كلّ الحكاية .. تقدر اتعيش بعدي .. !! = بسّ الجديدة بقدر آعيش بعدك .. !! ;)[/poem]

صلابه محمد

وحوار عاقل وتسأل لم يصعب عليك جوابه

تقبل مروري المتواتضع واعجابي الدائم

لو بسألك كم مرةٍ جاك صدي /// انا بجاوب كثر ما شفت ودك




الله عليك



شموخ وحرف عذب



صح لسانك وقلبك



تحياتي لك وتقديري

محمد
كَالغَيْم هَذا الشّعْر

حلْم وردِي

نَبْض ُ الصّدق ، وصِدق ُ النّبض

دُمْت بِحُب

محمد السالم ,

فـ والله أني أحبك فالله يا زميل :)

مرورك شرف لي يا كحيلان

لقلبك الورد

صح بدنك وصح كلك ,

شاكر لك الإطراء ي محمد ..

شرفتني

لك الود

الأستاذ الراقي / عبدالله العويمر ,

وحضورك كـ المطر , يروي صفحتي المتواضعة ,

كلي فخر يا سيدي ,

دمت متألق