قلوب .. (تعلقت في) .. قلوب
 

أنا وهي ومساحة من الوجع ...

.
.
[poem="font="traditional arabic,7,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحب هذا .. قلوب تعلّقت في قلوب=يا من سكن جده وطرفي عجز ياصله
لكنّي اخيل زوله في كثير الدروب=يسكن بعيني ما بين الدمع ومهامله
لامن تخيلت ضحكات الغوي اللعوب=تاكلني الحسره والتعبه ولا تاكله
واليوم بعده محطات انتظاروهروب=استعبد الشوق فيها دمعة ٍ ذاهله
شفني بعد غيبته انسان يا دوب دوب=تنقله خطوه بصحرا حبه القاحله
انسان مطرود من جنسه لكثر العيوب=مجهول في عالمه كم عالمه جاهله
منبوذ رغم اختلاف الناس طبع وسلوب=يمكن سبق وقته المفروض اوغافله
قديم ، رث وعليه اثار وقت وشحوب=ولا يذكر انه احد من الناس قد جامله
في وجه اقسم لك انك تعرف انه تعوب=ينبئك عنّه هزال الجسم ومفاصله
وحيد ماله صحاب ولا مسوّي قروب=يستوحش الخلق من شوفته ومقابله
لو يعشق النجم يستجديه سر الغيوب=يحلف له الليل ان النجمه ذي آفله
تسكنه رجفه .. يغص وتبتلعه الدروب=امرّ من خطوته ثقل ٍ على كاهله
وده يعشي الشفق احيان قبل الغروب=صعلوك حرفه بلا نقطه بلا فاصله
لكن شي ٍ بقوله قبل نبضي يذوب =ويمكن نسايم عبير الشوق تتناقله
اني ورب العتب والطيش مالي ذنوب=غير اني اهواك وان الحب منك آمله
يمكنك اصدق شعور مر بين الجنوب=من ظلم وقتي وظلم الناس والقافله
لذا مسوي قلق او منتحي في سروب=اغض طرفي اعيش بلوعة ٍ قاتله
لي قلب يذنبه مره ، مرتين ويتوب=بس الحقيقه طوال العمر هو شاغله
والحب هذا قلوب تموت فيها قلوب=يا من سكن جده وكلي عجز ياصله[/poem]

.
.
ومثل هذا الشعر .. ياعبدالرحمن ..
يعلق على نوافذ القلوب ويبقى هناك كـ أبهج الاشياء
الانسانية الجميلة ..!
.
.
دمت بهذا النور الكثيف ..
.
.


تحاياي

ذنبك أنك شاعر راقي أيها الزهراني الجميل
الفرات يقبل راحتيك

محمد .. اكرمتني بمرورك العاطر ..
فشكرا لقلبك وشكرا لحرفك النقي
احترامي وتقديري