كل مطرود __ ملحوق
 

الهم = الصاحب اللي ثقيلٍ على المعده (: والعكس صحيح

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الهم خاواني وصرنا رفاقه = حتى مكانه بالحشا صار مرموق
ميانته وياي فيها حماقه = وليا شره جاني يدوّر على حقوق
وليا تصنع في كلامه طلاقه = وليا تلكع مثل دلال في سوق
استغفر الله في كلامه بساقه = ولاكنه الا الضيقة الخلق مخلوق
اركيتله بالصبر ارجا فراقه = واثره مع الايام يزداد لي شوق
اركى على قلبي ولابه شفاقه = يسفط لي الاحزان ويسوقهن سوق
وليانشدت الشعر ياتي بطفاقه = وليا لفى جاني مع كل طاروق
يصور الاشواق حسب اشتياقه = وان حب شخصٍ ومدحه طيره فوق
من لزقته طلعلنا اليوم ساقه = طبق علينا كل مطرود ملحوق
مذكر تعب من زود مابه لياقه = عن وجهته انبوق ارواحنا بوق
ماعاد في صبري على الهم طاقه = ياكيف اطيق الصبر لاصرت مخنوق[/poem]

صح الله بدنك يابو شجاع شرفني مرورك وتعليقك على القصيده

وللايضاح هذي القصيده مثل ماتقول ارصيعيه لواحدٍ نشبه وانت فطنتني لكي اوضح الملامح ورحت حطيت قبل القصيده معادله واشكرك لتنبيهي

هيكل الشمري
حضور رائع ونص مميز كالعاده
سعيد بعودتك لأبعادك
تقديري

ما أكثر الهم يا هيكل



في كل مكان يوجد هم




نص جميل



محبتي لك

أركـى على قلبي و لا بـه شفاقه
_____________ يسفط على الأحزان و يسوقهن سوق

عزَّاه يا هيكل .. وصف دقيق
الجميل بالأمر أنَّك بدأت أول الشطرين بكلمتين كل واحدة منهما
قادرة على جعلنا نعيش الحالة و نندمج فيها ..
شاعر قدير ومتمكن يا هيكل.. رائع يا صديقي رائع
و الله لا يجيب الهم :)
فقط لا تغِب وأتمنى أن أراك بشكل دائم هـُـنا

أخوك
.
.
ناصر الدهمشي