|
لـمـا الـطـبـيـعـة تـتـكـلـم ..
أهـم قـوانـيـن الـطـبـيـعـة... 1-قانون الاصطفاف: إذا أنت صاف في طابور بطيء وقمت غيرته، الطابور اللي غيرته فجأة يصير يمشي أسرع من اللي أنت الحين فيه!! 2-قانون التلفون: عمرك ما تتصل على رقم غلط ويطلع مشغول!! 3-قانون التصليح: إذا كنت تشتغل ويدينك مليانه زيت وشحم , تأكد إن خشمك بيحكك!! 4-قانون المعدات: إذا طاح من يدك أي شي، تأكد انه بيبقى يتـدحرج إلى أن يوصل لأصعب مكان ما تقدر تطلعه منه!! 5-قانون الأعذار: إذا تأخرت عن الدوام وقلت لرئيسك أن كان عندك بنشر في الكفر ، تأكد إنك بكرا بتبنشر صحيح!! 6-قانون المغطس: إذا بديت تتوضأ أو تتروش , تأكد ميه بالميه إن جوالك بيبدأ يرررررن وما يسكت!! 7-قانون الالكترونيات: إذا أخذت جهاز عند مصلح تبي توريه انه ما يشتغل، حزتها بيشتغل ولا كأن شي صار!! 8- قانون القهوة: أول ما تسوي لك كاس شاهي ، تأكد إن رئيسك بيجي ويعطيك شغلة ما تخلص إلا لما يبرد الشاهي!! 9-قانون المصادفات: إذا كنت ما تبي أحد يشوفك ، فجأة كل اللي تعرفهم بيطلعون لك من كل مكان!! |
يااا الله ، ! والله ما كذبت صالح ،، واكثرها الجوال والشي اللي يطيح ): مَـاتِع المُتصفح ، شُكراً ألفاً |
قانون المستشفيات / إذا وصلت للطبيب يروح الالتهاب و السخونة و تخف الحساسية و المغص :) |
قانون النوم / إذا قررت تنام بدري .. لازم .. لازم .. تطلع لك شغلة تسهرك |
قانون الأشياء: إذا ما تحتاج الشيء بيكون مرمي أمامك طول اليوم، وأول ما تحتاجه... بيضيع فجأة...
|
قانون الفصل: ترفع يدك طول الحصة والمدرس ما يقومك تجاوب إلا الجواب اللي ما تعرفه...! |
قانون الامتحانات: الجزء الوحيد اللي ما درسته عدل... يجي في الامتحان... قانون الامتحانات (2): الجزء اللي درسته عدل ومتأكد منه ما يجي أبدا في الامتحان... قانون الامتحانات (3): الأسئلة الصعبة ما تكون اختيارية، والأسئلة السهلة دائما اختيارية قانون الامتحانات (4): نخبص في السهل، ونبدع في الصعب قانون الامتحانات (5): الامتحان اللي نكون متأكدين إننا بدعنا فيه نجيب فيه علامات سيئة جدا |
جميل والله الموضوع وجميله التعليقات فلتستمر العدسه في إلتقاط المفارقات . |
| الساعة الآن 09:41 PM |
Powered by vBulletin® Copyright ©2000 - 2025, Jelsoft Enterprises Ltd.