|
خـل عنـك الكبـر فالله الكبـيـر
لا تحـاقـر عـاجـز ولا فقـيـر واعلـم ان الامــر لله الخبـيـر يقصـم الجبـار ويعـز الذلـيـل كـم فقيـر مـات قـدام الممـات وموت بعض الناس خير من الحيات ان بكـن أو مـا بكـن النايحـات البكا خسران في بعـض الهزيـل الشاعر / بديوي الوقداني |
ما تقبلـت الفـراق ومـا ليـدي فيـه حيلـه آه لو إن الظـروف المقبله تكشـف قـدرهـا لو يعرف الشخص منا وش مع الغيب بيجيلـه كان جنبنا المشاكل مـن قبـل يوقـع ضررهـا ما هقيت الليله اللـي جابـت الفرقـا طويلـه لين صارت ليلة أمس بعيني أطول من شهرهـا والعذاب اللي يذوب بعيـن مـن يفقـد خليلـه عندي أكبر من عذاب العين لـو تفقـد نظرهـا والحبيب اللي صـدوده مثـل مداتـه جزيلـه صد عني وأعرفه لو صد عن حاجـه هجرهـا كن روحي يوم حست في جفاه وصعـب نيلـه بشرتنـي بالضيـاع وشـدت العـزم لسفرهـا ما رحمها مـن هـلاك ومـا تقبلهـا دخيلـه تحتضر قدام عينـه ليـن ماتـت مـن قهرهـا رحت أسولف للجبـال الصـم عن قصـة رحيله ما تركـت متـونها إلا ينحت الدمـع بصخرهـا له علي إنـه ليـا طـاح مـن عينـي تشيلـه ولي عليه إنـه يرجـع لابتسامـاتـي ثغرهـا لو طعوني بالسكاكيـن بيـده بتشفـي غليلـه لأشتريها مـن عذابـي وأدفـع بدمـي ثمنهـا وأطلبه ينهال فيني طعـن ليـن يطيـح حيلـه بس لا يترك عيونـي تنحـرم نعمـة بصرهـا حامد زيد |
صعب لامنك فشلـت وصعـب لامنـك لقيـت إن من يكره نجاحك يـدري انـك مـا نجحـت امس ضقت ورحت اقلـب ذكرياتـي وانتهيـت عند صورة طفل صوته مثل صوتي لا انجرحت وش مثل ؟؟ لا والله إلا هذا أنـا يـوم ابتديـت انطق حروفٍ تلعثـم فـي لسانـي لا انمدحـت هذا أنا يوم الحيـاه فـنظرتـي عشريـن بيـت ومسجدين ومدرسه من طين كم فيها اصطبحـت هذا أنا .. وأصبحت أتمتم .. (هذا أنا) حتى بغيت اختنق بس القدر عيّـا علـى موتـي وطحـت وصاح صوت الطفل فيني انت من وين ارتميت قلت أنا المستقبل اللي فيه كم همـت وطمحـت امس كنت أبيك تكبـر بـس والله لـو دريـت اني اللي عشت لجله مـت عنـدك واسترحـت لو دريت إن الزمان يجـر رجلـي مـا عديـت ولو دريت إن البحور بلا موانـي مـا سبحـت كان دربك لي طويـل وكـل ماشفتـك هويـت قلت لك كبوة جواد ومـا كبيـت إلا وجمحـت ليـه تسمعنـي وتمشـي آه ليتـك مامشـيـت وآه ليتك من كثـر عثـرات الأيـام انتصحـت ضاعت احلامي وضل الحزن فينـي واهتديـت للطريق اللي يودينـي علـى دمعـي ورحـت يالحزن ليتـك مثـل دمعـي وتنـزل لارقيـت بس أعرفك لو مسحت الدمع تبقى ما انمسحـت كان حلمي في وجـود إنسـان يبكـي لابكيـت وصار حلمي في وجود إنسان يفـرح لافرحـت كنت اشوف الناس مثلي كل ما جعت وضميـت ما دريت إن الاوادم ناس فـوق ونـاس تحـت آآآه يا أول ذكرياتي خذنـي فـحضنـك نسيـت لأسألك عن وجه ابوي اللي معه يامـا سرحـت خذني فـحضنك ابغفى .. ياااااه مبطي ماغفيت وان لمحت دموع عيني سو نفسك مـا لمحـت خذني فـحضنك وبعثر في جروحي وان قضيت هزلي كتفي وقلي : عيب تبكـي لـو سمحـت اضحك وعلم زماني من أنا .. ومن وين جيـت طق باب الحزن واصرخ فـيّ لامنـي فتحـت وضمني يمك .. وكمل ضحكتك لامـن بكيـت ودي اذكر كيف كانت ضحكتي لامـن فرحـت فهد المساعد |
/ / / يــكــبــر الـرجـــال ... قـــدام الأمـــور الـجــــســام ويــصــغـر الرجــال ... قـــدام الشــعــور الأنــثـــــوي / / / لافــي الـغـــيــدانــي ،، / |
غن ..... لا ضاقت عليك الوسيعـه ..........!! وما اروع هـذه المساحـه الفاخـره ... فعندما قرأت عنونتها ..ايقنت تماما بأن من اختيــار ذلك العنوان .. هو شــاعر يمتلك من المشاعر والشعر ما يجعلنـا .. نبحث بين الزوايـــا الضيقــه عن فضاءاتـــه الرحبــــــــه ... نواف التركي شكرا لك بحجم السماء على هكذا مساحـــه .. ؛ ؛ ويـنـك ؟ بــلم من الوله بــاقي الشــوق اشـتـقـت حـتى الـعـمـــر اعـلن افـــوله احــس يـومي بـعـدك اليــوم بــه عـــوق ويـنــك حـيـاة القـاف واهــله واصــوله كنت ارتويك احـسـاس واسـتـلهـمك ذوق صوتـك بنـبـض الروح تـســرح خـيـــوله ** غنج نجد ** وتحيتي لهذا المساء برائحة الجــــوري |
غنج نجد
ممتن لهذا النور في غن |
"قضية" لـ أحمد الصانع
..... صار ياكِلْهَا بشر ! .....قصتي قِصَه مُفيـده وقِلتْ : أكتبْهَا بسطور ويا عسى مِن كانْ يقرى مِنَّهَا .. ياخِذ عِبَر مغفره وذنوب , والساعه بلا تُوبَـه تدور السنه صَارتْ سَريعه حِيلْ , وأحْسِبْهَا شهر عِذتْ أنا مِنْ شَرْ خَناسٍ يوسْوسْ بالصدور وما بكيت إلا لوجــه اللــه في ليلة قدر تِختصر مَعنى حياتِكْ كيف تبني لِكْ قصور! أحْتِــــرم رايك وهذي تُعتبَــر ( وجهَــة نظر ) ! |
الشاعر / أحمد العتيبي ...
اذا خــــاب الرجــــا بــْ غالي دموع العيــن موفوره 0000 واغــض ّ الشـــوف اذا وجيـــه الخزا نزعت براقعها وصــارت لازم اتـــأسف بحــق أيـــــام مهــــــدوره 0000 عشـــــان اكســب خيــالك ضاعـــت وأهمـلت واقعها أنــــا آســــف ولو ان الأســـف ما كـــان بالصـــوره 0000 رسمتــــك في عيـــــوني بسمـــة ٍ تـنــــهي مدامعــها تخيـــّــــلت الهـــوى ويـــــّــاك يرجـع يسـقي زهوره 0000 لقيــــــت ان نفســــــــها الآلام تــتـــكــرر مواجعــــها رميــت القلب بحضانك00وسلـــّــمتك دفى شعوره 0000 هقيــــتك تحفــــظي لهفـــــــــه شرايــيــــنه منـــــابعها ولكــن هقــوتي ضاعت00وضـاع الحب في طوره 0000 ريــــاحك نســــفت اثـــمار ٍ يميـــــنك عـــام تزرعها حشـــــا ما كــــان في ظني تبـــات الـروح مغدوره 0000 ولا تطـــلع علي ّ الشمــس00وتطلـع عبـــرتي معها طعنـتيها00وجيتــيني بفعـــل الطعـــْــــن مبهــوره 0000 كأنــّـــك ما غرســـتي كفـــــّـــك الجايــــر بمهجــعها كتبـــت اسمـــك قصيــده في صميم القلب محفوره 00000 ذبحــــتي كـــل عــــرق ٍ بالحشــا ينطق00ويسمعها قضيــــنا عـــام ويــّـــا حب تــــــوّه تــمم شــــهوره 0000 فتــــح عيـــنه ينــــاظرها00ومــــات وهـو يتـــابعها انا وجرحي وشمعــة ضيّ00ودمعة عيـن مقهوره 0000 حضــــور بــْـعيد ميــــلاد الوفــــا نبكــــــي طلايــعها حسافه00 يوم هل ّ البــــــــْدر وارســل للفضــا نوره 0000 سمـــت عيــني على شوفــه00وقلــــت النور مطلعها ترجــّــينا حضــورك لـو تركـــــنا الليــل وحضــوره 0000 حضـرتي00ما حضـر منــّــك سوى ذكراك انازعها ومـــاتت ليـــلة الميـــــلاد00تحــت الصبـــح مدثوره 0000 تــــودّع بالدمـــــوع هلالـــها ولهفـــــــة شـــوارعــــها وفت لك روحــي وشعري وفت لك جملــة سطوره 0000 آثـــــاري روحي وشعري00طـــوال العـام تخـــدعها تبعــتــك في طريــق الحـب حسبـــــتك تملك قصوره 0000 حسبـــت حســــــاب نفسي لا بقــــت قربـــك بمتــّـعها آثـــاري حبـــــــك الكــاذب00يقـــــود القلــــب لقبوره 0000 وآثـــاري ضحكتــــك دمعه00عجزت وربي اردعها وآثـــاري شمعتك ظلمه00وجات النــــــفس مجبوره 0000 وآثــــاري نظـرتك جمره00بحلقي غصــــــْـب ببلعها حــــــرام اللي تسوّيـــنه بقلــــــب ٍ تســـكن جــــــذوره 0000 مـــــدام اعطيـــتك حبـــاله00حــرام ايديـــــك تقطعـها ويـــد ٍ بالوفـــا امتــــــدت00تـــرد اليــــــــد مكسوره 00000 وهــــي لا لااح لك طيــــف اعتــلت يمـــــّـه اصابعها وعيــــن ٍ شالتــك ما بيــــن رمـــش ورمش00بلوره 0000 ألا يا كيـــــف جــــــاء لك قلـــب تــتـــجرأ وتقــلعها ؟؟ انا استــاهل00وهذا هو جـــــزا من حب مغروره 0000 تمـــد ّ بشفـــاتها سمــومه ويركــــــض شوق يجرعها عرفـــت ان الهـــــــوى لعــبه00ولا يؤمـن بدستوره 0000 ســـوى جاهــل عمــــت عينه صور بالوهـــْـم يبدعها وصرت اليوم كنــــي ناي00يجاهد صمت جمهوره 0000 متـــــى صوته تعـــالى حـــْـزن ارخـــــت له مسامعها ملــومك لا حشــا واللـــــّــه00ألوم القلـــــب وغروره 0000 ونفســـي واعـــرف اقصــــاها00مغير المــوت يقنعها أكــــابر والكبــر للـــــّـه00وقلبـــي يخفـي قصــــــوره 0000 أخـاف ان نظرتــــــك تحسب00على موتي مطـاوعها فمان اللـــــّـــه00ودام ان خطـــــوة الترحــــال مقدوره 0000 ابــــرحل من قبـــــــل لا ترجــــع الذكـــــرى وراجعها بحــــّرم شي ٍ اسمـه حب00واحـــــّــــرم انزل بحـوره 0000 وبلــــــّــــغي طيــبة الخفـــــّــــاق00اذا هاذي صنايعها ولك رب ٍ يحـــاسبك وعلـــى ما صــــار مشكــــــوره 0000 انــــا الغلطــــان حطــــــّــيت الثقــه في غيــر موضعها امــــــانه والذي أمـــــّــن كتــــابه ســـــورة ٍ00ســوره 0000 اذا دمــــوعي غشـــــت كتــــفك00دخيــــلك لا تمانعها ابــرحل في يميــــني دمـــع قلـــب ٍ يكــــفي طهــــوره 0000 وصـــوره00كنــت اظن ّ احيـا طوال العمــْـر اطالعها سوى لون الغــدر لامن ظهر تــتــكســـّـــــر الصــوره 0000 يحطــــــّـــــم حسنــــها ويكتــــــب بلــــون الدمع ودّعها ياقلبي00دامها باعــــت00ودام النفـــــــــس معــذوره 00000 تشجــــــّـــع وابتـــعد بسكــــات واتحـمـــّــــــل موادعها وبنــــت ٍ هـــان حبـــك عنــدها واستــــعذبت جـــــوره 00000 بدون جدال وانت ابخص00برخص احساسها00بعها |
| الساعة الآن 07:11 PM |
Powered by vBulletin® Copyright ©2000 - 2025, Jelsoft Enterprises Ltd.