مشتاق، أنا لوجودك الفعلي
ما ابي اشوفك ودي أحسك..!

مانيب مستنيك ترجع لي
أبيك والله ترجع لنفسك..!

محمد بن شتير

ربي اللي حرم غيرك و ربي عطاك
لا تقول الزمن يا صاحبي ما صفا..!

اشكر الله على نعمة وجودي معاك
و احمد الله و بوس ايديك وجه و قفا..!

محمد بن شتير

اتنفسك؛ ذكرى من الأمس و اعيش
وأن هب نسناس الهوا قمت تطري..!

طالبك يا برد الشتاء هب بشويش
اخاف لا يتعب من البرد صدري..!

محمد بن شتير

من عرف قلبك عرف طعم الحيآة
و من جهل نعمة وجودك ما اهتنى..!

أنت في عيني جميع الأمنيات
و المخلّص من عذابي و العناء ..!

محمد بن شتير

بكرة ليا طالت الغيبات
البعد ماهو من اسبابي..!

فالمجتمع زادت الحالات
وباسبابهم سبّة غيابي..!

تباعدوا و البسوا مسكات
لا تقطعوني من احبابي..!

محمد بن شتير

مستحيل القلب يوصف لك غلاه
و انت ماخذني لدنيا ثانية..!

انت حبك غير يفرق مستواه
يعتبر فوق الحياه الفانيه ..!

اذكر الجنه معك وانسى الحياة
واتخيل فالقطوف الدانية..!

محمد بن شتير

من دخلت القلب والباقي خروج
و الحلا سبحان ربي صورّه..!

لا تحط المسكرة و تحط روج
انت زين بدون روج ومسكره..!

محمد بن شتير

ربيع العمر وينه يابو زيد وانته وين
تمر الفصول الاربعة و انت ما مرك..!

وقوفك مطوّل بعد ما غابوا الغالين
وقف كل شي إلا مشاعرك تتحرك..!

محمد بن شتير