|
نحن الذين نفكّر ، نستوعب الأشياء مسكونين بالقلق والراحة والفزع والإطمئنان ، هناك أماكن لانحتملها وهي لا تحتملنا .. وهذهِ ضريبة أن تكون إنساناً في زمن يعج بالحيوانات ! |
وش يضّر الناس لو حبّوا بعض ؟ __ بسّ حتّى الورد في أسفله شوك ! ياحبيبه ، والهوا غصب أنفرض ! __ في حبيبك لو حكيتي كذبوك ! وش تقولي عن مشاعر تنقرض ؟ __ عند منهم باول السلّم رموك ؟ ماهو لازم كل شيّ ، فيه أعترض ! __ زهرة الفكره ، عساهم يفهموك |
سنُزهِر يوماً ، لاعليك
نحن نتصحر الآن ، ثم يأتي الغيث بماءه وبذوره ، ثُم ننبت ونُزهر مجدداً ! لست مع من يقول أن الأرض ثابته ، كل شيء مُتحرك ويدور ، شعورك ، أحزانك ، فرحك ، حبك ، كرهك ، غضبك ، هدؤك كل شيء ، ولأنه هكذا لاتخف ستزهر يوماً ! نحن نتألم لنترمم من جديد ! نحن نتصحر ، لنصبح أنهاراً ومشاتل بعد ذلك ! نحن نتوجع والله ولكن لنكون أقوى بعد ذلك وأكثر ثباتاً .. ستزهر أنت ، وأُزهِر أنا ، إطمئن ! |
قالت وهذِي الأرض ماهي مكاني ! __ عطني يِدك محتاجه أدفِي عظامي ! ليت الزمن ويّاك راح ونساني ! __ عشان معك أوقف ، وألملم حطامي ! شوقي لصدرك ، قول عنّه أناني ! __ تحيّزي لك إنت ، ضيّ بظلامي ! انا أحبك حب ، فوق المعاني ! __ عطني يِدك إيدي بتشرح كلامي! |
عسى تنسى .. عسى أقوى ! عساها خيِرة المضطر ! ولا صدرك يذوق المُر ! بكل أحوالنا .. نمضي ! ولا نعرف ، ولاندري ! لوين ، وكيف ؟ مانسأل ! كذا نرحل ! كذا نمشي إلى " ننحل " ويعني البعد " مو منحل " ولا هو عطر او مشتل ! إلى " نذبل " __ انا كتفي حصن " وحْجار " وهدّيته .. ب كم مسمار ! لأنك قبل " رممته " وتعرف كل ثغراته .. بدون إنذار " أسقطته " تبي أعتب ؟ وليه أكذب ! وليه نطوّل المشوار ؟ وإنت من العدم تختار ! عسى تنسى ! عسى أقوى ! سلام الله على قلبك .. على حبّك على عطرك وانا استودعتك الرحمن |
تبللتي ؟ تعطّر فيك هذا الماء ! رقص لك رقصة الوادي ؟ روّى منك ؟ شَرب صدرك؟ وسيّل كل قطراته ! تخلل في شَعرك ومرّ ؟ يسويها .. ويتبختر ! تبللتي ؟ وتحت الماء تشيطنتي ؟ تطفّل ، بس تمايلتي ! أعرفه زين هذا الماء .. مشاكس وين مايُرمى ! تبللتي ؟ تبلل بك ! |
_____ هالليل ياخي عجيب أمره .. يتلحّف الحزن بـ اسنانه ! |
أبي أحزن معك مرّه ..
أبي أفرح معك مرّات ! بعيش اللحظه المُرّه ! وننسى بعدها الأوقات ! أنا ايديني .. مهي حرّه ! وإنتي ايديكِ .. الدعوات ! تبسمل صدري .. تسرّه ! وتنزع منه .. هالطعنات ! |
| الساعة الآن 03:39 PM |
Powered by vBulletin® Copyright ©2000 - 2025, Jelsoft Enterprises Ltd.