|
عالكلام " الفضّ " غُضّ ! وأمسك يدينك .. وأمِضّ ! مشكلتك .. اللي قْتلتكْ ! مايناسبك الحرير .. ولا يناسبك الحصير ! _____ ماتناسبك الصدور اللي تشبه للقبور ! مايناسبك الكلام ! لا غدا حرب وحطام .. وكان تجريح وخصام ! . . مايناسبك الغباء .. ولا ظلام الأذكياء او سواليف الرياء ! . . مشكلة هالوعي أكبر .. من قلم سائل ودفتر ! من هو اللي يسمعك ؟ فهّم اللي يقرأك ! . . _______ الحكي ضايع : متى ؟ يوم يصبح للملاَ ! يوم تحكي ل أغبيا عن مدى غير المدى ! ______ يا ثقافه : مـ انتي آفه ! ولا بعد .. كنتي حسافه ! لو تحدّثتي : بلطافه ! مشكلة خلخال ساقك .. جمّلك : ويقلدونك ثم ينتقدوا / عيونك ! . . ماكُتِب أعلاه / أعظم ! من فتاه بظِفر أبكم ! |
يقولون .. الزمن راشي
وجوه الناس مُرتشيِه ! وانا فمّي ، وهو فمّي ! عليّ أحياناً " الظالم " وفي ايديني سواد أبيض .. يكون أضيَق ، يكون أعرَض ! يكون أفسَح ! يكون أجرَح ! يكون " أطيَب " يكون " أخيَب " تصير وجايز الخذلان ! مهو ثارك مع الأزمان ! غلط " غلطان " يكون أحيان مع نفسك ! يكون أحيان من " حسّك " غلطك إنك تكون إنسان ! وهذا المجتمع " ........... " |
لو إنِك حرف جاء عابر !
__ كتبتك نصّ تفعيله ! على نقدك بعَد شاكر ! __ وصدري قادر يْعِيله ! |
ياليتني إنسان دون أيّ مبدأ __ عشان يمكن فالظلام آتعايش ! تعبت أدور عن صدر فيه أهدأ __ تعبت أصك الباب وأفتح درايش ! |
مايغرِي الصبح .. لاوالله
__ لو ماحمَل عطِرك لصدري الله وهبك الحلا .. كلّه ! __ وانا وهبتك بعض شِعري ! • • لاتقطفي الورد .. وتعدّين ! يحبني ؟ ما درى عنّي ؟ كل شي لمستيه له إيدين ! بيجاوبك إيه .. ويغنّي ! الأرض تدري .. وماتدرين ؟ وش قد هالظن متجنّي ! |
ماكِنت ناقص ضيِق ..
والحكي يوجعني فيني جبال طويق وأزريت تعذرني ! |
من مرتاح لكونه ...شاعر !؟ __ ماهو صح ...أبداً مو صح! بعض احساس الكلمه.. فاجر! __ هذا الشعر أحياناً... جرح! |
|
| الساعة الآن 02:07 AM |
Powered by vBulletin® Copyright ©2000 - 2025, Jelsoft Enterprises Ltd.