|
تداعى أنظمة.. عشق القوافي .. تستفز .. الشك ___________________ صدح صوت .. انتمائي .. وانتبدني ابسط اشيائي رغم كل التسكّع .. في زمان ٍ .. دك فكري .. دك _______________ تشرّبت .. الشعر .. لكن .. جبرني ... اكسر .. القائي وانا الصاخب الي حد .. التناغم .. وامتدادي لك _______________ يشكّل .. معظم .. احساس .. المكان .. وحزني النائي تسربلت الظلام .. اللي تملّك في عذابي .. \ صك _______________ أغني؟ كيف أغني .. والحزن .. يستوطن احشائي رضيت اني اكون بزحمة (اسراف الأسامي) نك _______________ يصوّرني .. طلاسم .. باهتـه .. بعيـون ...\ قرائي واذا ماتشعر بنبضي عشانك .. وش جبرني بك؟ _______________ طلبتك .. ياشعر .. تكفى .. ترفّق في .. ألف بائي دخيلك وش بقى لي \ غير حزني \ في زمان العك _______________ تحت ظله .. أعيش ..بدنيتي .. وانـدب.. أحبائي حكاية عشقنا .. أتعس حكايه .. تستفز .. الشك _______________ خفت صوت انتـ مائي .. واعتذرت لأبسط اشيائي خالد العنزي |
ســـامر أنا ويا الأرق ووســادتي مـع وردتي ............................... أقطف ورق أغصانها أتحبني!؟ .. ما أتحبني !؟ خـــايف اصدق ناتجي وخــايف اكذب هـقــوتي ............................... تايه أنا ما بينهم هــــــم الســـــــؤال يهــــــدني وارمي البقايا من يدي أحاول ألقى ســــلـــــوتي ............................... وانفض لحافي والأرق ..وبـوح الشعـور يزفني واضوي شموعي للورق تحكي السوالف ريشتي ............................... وانثر مشــاعـــر من زمن عنها اللسان يردني لوحــة رسمتك يا غلا وعلقتها في غــــرفتي ............................... لون الذهب بروازها .. وسنا حــــــلاها يشدني للخــــال حبة في خـــــــدها هي حلّته محبوبتي ............................... غصن الجمــــال أن شافها عز الله انه ينحني مرات أحس أنى لها.. ومـرات تبعد خطوتي ............................... كني ضريرِ في خــــلا للموت حظي ســاقني الناس واجد والحـــــلا مـيـر البلا في حــلـــوتي ............................... لامـــــــن خـــطيت وجيتها ابكل طيب تلــمني أحــــــس أنى ملكتها واحســــــها لــــي دنيتي ............................... لامن ســــألت عيونها تحــلف تقـــول تحبني مرات أسابق هالوعـــــــد تدفعني دايم لهفتي ............................... لامن قــــربت بجنبها من شــــوقها بتضمني فكره هنا.. وفكـــره هنا وتزداد دايم حيرتي أتحبني !؟ .. ما تحبني !؟ .. أتحبني !؟ .. ما تحبني !؟ |
سـيـداتـي . انـســاتـي . ســادتـي حيث بقية الحديث : ســـيــداتـي .. انــســاتـي ... ســادتـي . الاحـبـــاء . الاعـــزاء . الـكــرام .. مـن يـفـسـر لي خــيــوط وســادتــي .!!! ومـن يـغـمـض لـي عـيـوني ليـن انـام بــشــروا صـدر الـسمـاء بــقــــلادتــي وبـلـغـوا عـنـي لـخـلانـي سـلام ســيــدي مـن يـعــتـرف بـســيـادتــي. يـنـحـنـي لي وانـحـنـي لـه بـاحـتـرام عــادتـه يـدمــح خــطـاي وعــادتــي .. لاذكـرتـه .. فـاحـت اسـراب الـحـمـام وامــي قــالــت لـــي بـيــوم ولادتــي .. لاتـمـوت وبـاقـي بـصـدرك كـــــلام ..! غــــادتــي . ! ياغـادتـي . . يـاغـادتـي .!! والله أن الـلـي .. تـسـويـنـه حــــــرام صـبـي لـسـكـر حـلاك .. زيـــــادتــــي ياحـلـو طـعـم الـرضـا بـعـد الـخـصـام خالد الردادي |
((((((((((((((((((غلا وهبال )))))))))))))) حبيبي ناظر عيوني عسى تلقا جواب اسرع .............. ...... عسى صورتك فـ عيوني تقول اللي عجز ينقال حبيبي من ورا الغيمه بداء نور القمر يسطع ........................ ولا منه نظر وجهك رجع يبكي بضيقة بال سمعته يصرخ ويبكي يقول ان حسنك الاروع ....................... سمعتـه يشتري ودك يبي يشكي عليك الحال وسمعت النجم من بعده وانا جالس بعد اسمع .................... يقول اشعار في حسنك يقول اروع حكم وامثال وشفت الشمس في المشرق تــونّ وماتبي تطلع .......................... تقول اشـ فايده اظهر وترجع تختفي بجبال وشفت الورد يرقص لك على اغصانه يقول اقطع ....................... يقول انـه على يــدك يبي يشنق يبي يغتال وسمعت الورق في عشه حزين ومستحي يسجع ..................... سمع صـوتك تغني لي جلس يبكي على الموال وجاك الورق من عشه يبي يسمع بعد مقطع ....................... وشفت الدمع من عينه نزل مثل المطر ينهال وحتى الغيم لاشافك من عيونه بدا يدمع ...................... علىوجهك همل دمعه وغرق قذلتك والشال وحتى الليل لاشافاك على اقدامك يبي يركع ........................ يقول الليل متناثر على كتوفك مثل شلال حبيبي مد لي يدك نسافر في خيال اوسع .................... تعال واسبل رموشك على الشاعر تصير ضلال حبيبي داخلي شاعر ترى عمره ابد ما ابدع ....................... ولكن بس لعيونك نزف شعر. وغلا. وهبال |
(((((((((((((شيطنة اطفال)))))))))) طفح كيل القصيد اللـي نزفتـه وابتـدا المـوال .................... وانا لازلت ادور لك كـلام(ن) يستـر اوراقي ادور فـي مجاهيـم القصايـد مايثـيـر الـبـال ................. عساني لاوصفت اوصف حلاك وأكسـر وثاقي انا لاشفت هالكحل بطـرف عينـك ازيـد هبـال .................. وازيد من الجنون اكثر جنـون وانثـر اشواقـي دخيلك لا تناظرني ترى بعـض العيـون خبـال .................. دخيلك لاتزيـد الطيـن بلـه وانـت فـ اعماقـي دخيل اجمل عيون اللـي شقاوتهـا تهـد جبـال .................... دخيلـك لاتجننـي بهـا ثـم تـنـوي فـراقـي دخيل احلى عيون اللي بها سحر وشموخ رجـال ................... تخلينـي معاهـا ارحـل بعيـد وتوسـع افاقـي دخيل اجمل جديل(ن) طاح من عالي مثل شلال ................. على خصر(ن) نحيل(ن) فوق صدرٍ(ن) كمل الباقي دخيلك والهوى لامن تحـرك ثـم جديلـك مـال ................... يميل القـد مـع ميـل الجديـل ومعـه خفاقـي دخيل اجمل حرير اسود سواده فاق اسـود شال .................... تخليني علـى زنـدك انـام وأغمـض احداقـي دخيل الجيد والعاتـق دخيـل النحـر والسلسـال .....................دخيـل الشفتيـن اللـي تضيـع هقـوة لهاقـي دخيل الخال في صدرك دخيل اجمل صدر به خال ......................دخيـل الضمتيـن ورجفـة الخفـاق وعنـاقـي دخيل السلسبيل اللي بصـدرك والعـرق لاسـال .....................تخليني وسطـه اغـرق أليـن اوصـل لترياقـي وانا لاقلت بغرق بـك ابغـرق ماعليهـا جـدال ..................ابغرق لين يذبحنـي ضمـاك ويتعب الساقـي دخيلك يوم انا جيتـك وجيـت بشيطنـة اطفـال ...................تخليني علـى الفطـره كـذا لاتنـوي اغراقـي دخيلك لا طفح كيـل القصايـد مانتهـى المـوال ..........................تخلينـي ادور لـك كـلامٍ يفـضـح اوراقــي |
بتدت حرب المهالك وإنتهى السِلم ومجاله وإرتكب أهل الجريمه إبشع أنواع الجريمه داهموا بغداد جيش الشرك وأحفاد الظلاله حنّوا لتدمير تاريخ الحضارات االقديمه بين بعثيّ العراق وبين جرذان العماله إنثنت ياويل قلبي بنت الإسلام العظيمه آآآآآه ياوجدي عليها وجد من ضيمه خواله إن نواهم صاحت أُمه وإن تركهم صاح ضيمه أو وجود القاصر اللي مغتصب عمّه حلاله هو يتيمٍ بين ربعه ماله الا إخت يتيمه أو وجود النادر اللي ناطح الغاره لحاله إن وقف زادوا صوابه وإن وقع صاحن حريمه أو وجود الديّن اللي ماأرتكب جُرم وخمَاله بعد ماقصوا يمينه إعترف راعي الجريمه أو وجود اللي خصيمه فجأةٍ وقّف اقباله جاليٍ من وسط ربعه وأشْجع اربوعه خصيمه أو وجود الطيّب اللي تو ماكبروا عياله بعد ماكبروا عياله صار طيبهم هليمه أو وجود اللي يمينه باالسلاسل مع شماله شيخ قومٍ عقب عزه عاش حقران وهضيمه حسرتي والله على حسنك يابغداد وجماله وحسرتي والله على الشعب العراقي في جحيمه للمقاله ( آتصيقه ) قصفوها كل ماقيله ياعرب موت القلوب اليوم عاهه مستديمه لاتورْونا صورّهُم إتركوا كلٍ بفاله الْبِدوا والذيب يلْبِد لانبح كلب الخريمه يعني وش رايح نسوّي غير يالاله يلاله لاتحرون القلوب القاسيه تصبح رحيمه لاني مغيّر زمان ولاني امحرّم حلاله بس أشوف إن العروبه تسحب اذيال الهزيمه سامح الله من قراني مافهم فحوى الرساله مدرك أبعاد الكلام .. ونيّتي والله سليمه الشهر هذا مُحَرّم والله مْحرِم قتاله بس ياالله ماعلينا كل ضربة بتعليمه أبشروا يالشرق الأوسط بالتسكّع والبطاله يامدوّرة الغنايم إنتم اليوم الغنيمه جت مغول الغرب يم الشرق والقصد إحتلاله خلف هولاكوا أوروبا جوك يتلون البهيمه من متى كان اليهودي له على المسلم جماله من يقول إن العواقب مانتايجها وخيمه عارفين المستخبي إندثر وقت الجهاله والغبيّ اللي يفكر لذة الدنيا مقيمه يولد الحي ويموت وينولد حيٍ بداله والحظيظ اللي خطا رجليه دايم مستقيمه أشهد إن المهدي اللي ننتظر طوّل وصاله وَصْل الإحباط الحناجر وأقطب المجهول غيمه باكر تشوفون باكر قولوا ماقال الطواله كان ماباكر غدينا للخنازير الوليمه إلا إن كان إتحدنا وصفنا عاد إكتماله وإجتمعنا كلبونا ضد عدوان وظليمه |
لا تسأليني عن اسباب الزعل، مدري ؟ ،،،،،،،،،،،، يجوز نفسي على كثـــــــر الجفا ارتاحت او يمكن اني . عرفت السر من صغري ،،،،،،،،،،،، ما با الحمامه حــــــــزن . لو انّها ناحـت !! حتى اتخذت الهجر في مقتبل عمــــري ،،،،،،،،،،،، طبعيةٍ . زاحــت الاحــــــباب ما انزاحت ما والله ابكي .. ولكن . من سنا جمري ،،،،،،،،،،،، شف ريحة العــود . لولا الجمر ما فاحت! كم عبرةٍ لا غفيت . اكــنّـــها بصدري ،،،،،،،،،،،، مير البلا .. لا قعــدت الصــبح ما راحت تكبر معي . تدرك المحجر .. ولا تجري ،،،،،،،،،،،، من يوصــــف الدمعه اللي ما بعد طاحت ؟؟؟ ابقى على حالتـــي : ادري. ولا ادري ،،،،،،،،،،،، لا اجتاحت ايام . بعـــض ايام ما جتاحت بس تركيني. انا وعبراتي ، وعذري ؟ ،،،،،،،،،،،، عايش على ذكـــــريات الغير..لا. لاحت ولا انت بالذات ؟ لا تجرح ولا تبري ،،،،،،،،،،،، ولا عين رفت لك .. ولا اذن لك صاحت الشاعر الرائع حاكم المعلا |
[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]غنيت موال الحزن صدر الحقيقه في أكتاب = الباب مقفل والغلا ما يفتحه كثر التعب[/POEM]
نواف لك الشكر |
| الساعة الآن 10:30 PM |
Powered by vBulletin® Copyright ©2000 - 2025, Jelsoft Enterprises Ltd.