|
من طرق بابي ..
قلَط ! واللي أبعد .. مو غلط ! ماشيه الدنيا .. بدونه لو بغاني .. صرت عونه ! . . . زارع الشمس ... بيده ! ماحصدت إلا اللهب ! ليه مايُشكر .. دفاك ؟ وكل غيمه .. في سماك ! زارع الشمس .. كْسفت! وإستمالت .. واسبتت ! ليه مايُشكر .. ضياك ؟ وإحتراقك ! في مداك ! |
أنثى من اللاشيء ، تُخلق سليمه ؟!
في كفّها شلّال وزهور .. وانهار ! كانت ترّش الحب في كل ديمه! من نسل آدم ، بالطبايع يتيمه! |
قلت للدنيا .. كفى !
قالت وتفرح ؟ أفا ! قلت كتفي / ماهو كتفي ! والظهر .. كنّه صدر ! طعنة أحبابي .. كثير ! قالت وتفرح ؟ يصير ! قلت : بيديني ورود ! قالت : وفـ الورد شوك ! جرب تذوق الجحود ! وش عليه ؟ ماعليه ! |
انا مابي ولاحاجه!
ولا آحبك ، ولا ماابغاك ! واذا " ماابغاك " تسعدها بقول لهالفراق " أهلاً " مهو لني عليك .. أكذب ! ولا إني " نفيت الحب " ولو كان الفراق .. أصعب ! يكون أهون ، ولا أعتب ! بلاش من الجروح " أسلم " هنا .. صدري ! هنا كتفي ! هنا قلبي ! هنا بـ آخر حدود اللاء .. غديت أشلاء .. تترامى ! وأدور كتف .. مايقسى ! وياسلمى وياسلمى ورب البيت ، متصنّم شعوري كهف ماهو نور كهف .. مُظلم ! أنا بـ آخر ظلام اللاء وهي ظلمى وادور نور ! تعب قلبي وقوف السور وياما بالصدور قبور ! . . إذا هالثوب مو ثوبي واذا هالوجه .. مو وجهي ! وانا أنظف ، وانا أجمل وانا من يغرس الكلمه وتنبت بالسما بسمه وانا من يبسط إيدينه وهو محتاج في حينه ! يصير أشقى ؟ يجوز إن البشر ذولا .. بشر مثلي ! أو اني كائن ٍ آخر ! أو ان الكون ذا .. آخر ! . . تجين إنتي بعد .. سكّين ! ومن هالعين لين العين تبين آحاسبك يعني ؟ وهو غيرك ترك لك .. لحم ! فدا ياحلوتي .. تمونين ! مهو ماني لحم أو دم ولا إحساس أو أهتم ! انا من طين انا من طين ! وهذا الطين ، لاتنسين ! بينبت زهر ! وبتمطّر ! واصير أزهر ! ويحييني خرير الماء .. واصير " أقدر " |
https://youtu.be/h0bGI8OcuqM
لو إني حِكت لك غيمه .. أنا صدري بك المبلول ! وانا ياحلوتي .. كتفي ! بدون لباس .. متهندم ! نعم .. مايل ! ومو قايل ! بشر .. زيّك ! أحب وأكره ، وأوجِع ! ولااوجعتك ! وأتأثر ! إذا مرّ المطر عيني ! وكان أغزر ! ولاسلّم ، ولامرر لي إيدينه وكان أرحم! وليت من السيول أسلَم ! نعم أغرق .. وكنت أشهق .. لجل ألحق! لجل أسبق .. بـ اني آعيش بس آعيش ! وكيف أقدر ؟ أكون الماء .. بهالظلمى ! وكنت آشع وأتسامى ! لجل أبقى ! |
وش يخوّف
بنت مثلك؟ تسدل الشمس بيديها ؟ بنت بيضاء .. ضوء واضواء بنت لامرت أراضي ! صارت ورود وفيافي ! وش يخوف بنت مثلك؟ وانت اسمك لاانحكى .. صارت الدنيا .. موسيقى ! وكل غصن أهتز .. نوته ! وإنتي توته ! توته حلوه ! وانتي حتى .. ابتسامك لاابتسمتي ،، لاضحكتي رشت الغيمه مطر .. وانحفر بالأرض .. غرشه منهل يصب العطر ! ياحبيبه في بياضك يامهيبه في جمالك .. ياحكايه في دلالك ياقصايد إنس .. تمشي ياجسد ماهو جسد وش يخوّف بنت مثلك؟ تسدل الشمس بيديها ؟ وانتي حتى لا ملتي .. كنك تفعيله من إيدي ! من ترنيمه ، لترنيمه ! كنك عصفورة ريحان ! وتغرد بااحلى الالحان ! وش يخوّف بنت مثلك ؟ اشكري لي بطن أمك ! |
أمررها مثل .. فكره ! تبات ، ولو صحت بكره ! انا قادر على إيدي ! ولاانتي من صنع .. إيدي! وأمرر كل هذا الصمت ! لو إني لِنت .. بس أيقنت ! انا من يزرع الفكره .. على هذا الشعر " بذره " ويسقيها .. وتنبت في قوافيها .. وتثمر فاكهه .. من سحر ! ولايعجزني .. أتغاضى لو إن أغصانها .. مالت ! مشاتل غيري ... اطهرها سواد واسمدة موتى ! واذا يعني جذورك .. وين؟ ولا كل طِين ، مثل الطِين ! . . على فكره " وللعبره " انا فلّاح هذا الشعر .. ولاقادر " على كسره " ولكن قادر " أختصره" |
بشويش .. طفل السّماء .. نايم ! بشويش مروا .. على الغيمه ! بشويش " لاتزعجون الماء! |
| الساعة الآن 11:47 PM |
Powered by vBulletin® Copyright ©2000 - 2025, Jelsoft Enterprises Ltd.