[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]جيتك اشتكي لك من عنا الوقت ابرتاح = لقيت نفسي اشتكي من همومك

ياعونت الله مابقى شي ماراح = مدري الوم الوقت والا الومك

جيتك وقلت بعالي الصوت ياصاح = بالله ساعدني ترى اليوم يومك

لا النفس مرتاحه ولا القلب مرتاح = حسيت نفسي واحدٍ من خصومك

اثريك صاحب بس في وقت الافراح = وبكل سهوله ترخص اللي يسومك

الله يعين القلب وشلون يرتاح ؟ = زودٍ على همومي تحمل همومك[/POEM]

[POEM="font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]صوتك اللي بقالي من ليالينا =عاد لو غاب صوتك ويش يبقالي
صوتك الموج والمجداف والمينا= صوتك الناس لوني في خلا خالي
صوتك الذكريات اللي اتدفينا= كل ماهل شفت العيد يبدالي
صوتك بعيد مثل البعد يطوينا= صوتك اغليه ... صوتك يابعد حالي
من غروب الكلام لشرق اسامينا =ياحبيبه وصوتك عندي الغالي
سولفي ... لعنبو هــمٍ يبكينا =انتِ اقصى مدى الهقوات والتالي
مالها حد شرهتنا وامانينا= والمسافات قشرى مالها والي
يقبل الليل لامرفأ ولامينا =عاد لو غاب صوتك ويش يبقالي [/POEM]

لـ مساعد الرشيدي

..

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]النار شبت داخلي والحزن يفعل مايريـد = وبين المحاني علتي أشوفهـا متراكيـه

يالي نويتي بالجفا الهجر مويمكن أكيـد = الله يجيبك يالغلا بكـره تجينـي باكيـه

لسامحك وأزعل عليك ولازعلت أبعد بعيد = منك همومي كلها صارت تجيني شاكيـه [/POEM]

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]



كل نفسٍ لها غايه وطبع الكـرام=ما تذل النفوس لحاجـةٍ هيّنـه

ماهو بكل خلق الله عزازٍ حشام =و ماهي بكل لحيه لحيةٍ ديّنه

قالوا الصبر مفتاح الأمور العظام=قلت مامن عظام السالفـه بيّنـه

طفسةٍ ماتبي منّا نشـد الحـزام=لو تجي في ملابس عرس متزيّنه



[/POEM]