|
مَر هذا الصبح .. مُرّ! قم تقهوى هالجراح ! مايضرّك هالألم ! أشرب أشرب .. للصباح ! ليه تهوى للعظم ؟ أنت تبحث عن قيم ؟ عن مبادئ .. عن وهم ! حب .. ياحلو الندم ! كان ياما كان .. زهره ! كانت أجمل ! وسط مشتل ! واقتطفها هالضباب .. ثم رماها للتراب ! كان ياما كان وانت ! ليت من جرحك سلمت! |
خلّ الكلام ... يموت
في صدري .. العاتب! وش فايدة .. هالصوت! مايسمعه .. صاحب! هيّا تعال .. نغيب ! دام الكلام يعيب! بنجرب الفرقا ! تحيا .. مشاعرنا ! والا .. تموت أحلى ! ياسيدي الفاضل .. الجسم ذا .. ناحل ! به شي يستاهل ؟ هيا تعال .. نغيب ! وجروحنا .. بتطيب ! جرّب أحد .. غيري! مايضّر ياطيري ! وانا بعد .. بنسى ! دام انها فرقا ! |
مريت لك مهموم ..
قلبي على كفي ! أكثرت فيني اللوم ! وأزددت في نزفي ! ياسيّدي .. واليوم كل الحكي .. يكفي ! البحر يبغى .. عوم ! وانا .. تعب كتفي ! في سِلمك .. المضيوم! تأويه .. أو تنفي ؟ |
ماعاد لي حاجةٍ بالناس ..
إن صار كل شي يأذيني ! الناس صارت بلا إحساس! ثملت الأوجاع .. يكفيني ! ياحلوتي .. والحلا مقياس ! ماانتي بحلوه .. بلا ايديني ! جيتي وداخلك رمح وفاس ! داويت جرحك بمـا .. عيني ! لما وقفتي ، وزال الباس ! قلتي ومن قال داويني ؟ ابشر بطعنه تجيب الياس! تاخذ حياتك وتبقيني ! الله ماأغرب قلوب الناس ! ورد ٍ زرعته ، ويدميني ؟ الكاس كاسك ، شربت الكاس! والجرح عادي .. مهو فيني ؟ |
الكلمه اللي واقفه " بين " فمّي ! أزريت فيها من حياي .. وتخبّت ! الناس لو هو دمّهم .. مثل دمّي ! كان الحبق في كل صدرٍ بينبت ! |
لاتقولي إنت وينك ؟
آنا موجود ..بعيونك ! كنت أجمّع هالورود.. فوق رمشك .. تحت جفنك ! عند هالشامه .. وقفت ! وأرتبكت .. وماقدرت ! طحت ، لمتني الشفايف ! صارت اللحظه ..رعود ! والمطر سال ..وجرفني ! ماوعيت الا بصدرك ! كان عالي ! كان طاغي ! كان به رمانتين ! وكنت جايع ! قلت آكل ، فمّي ذابل! |
ياليتني في طرف صدرك
قذلة شعر ، شال متموج ! والتف واتنفس .. بعطرك ! قد ايش انا للعطر .. احوج ! |
كان ياما كان .. شاعر ! كان ينزف .. دمّ شعره ! كان ينقش عالورق ! كان يعجبه .. الغرق ! قيّدوه وقالوا : أكتب ! قال : مقدر قالوا أكذب ! قال مقدر .. هاتوا إيدي ! فكوا أغلال الخيال ! قالوا إنته مو طبيعي ! مبدئك ماهو حقيقي ! شوف كل الناس تكذب! إكتب .. إكتب ! قيدوه ، وكيف يهرب؟ |
| الساعة الآن 05:09 AM |
Powered by vBulletin® Copyright ©2000 - 2025, Jelsoft Enterprises Ltd.