[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] نــــــوره ).. تـصـب الــوان وجـهـي .. غــرابــيل .. =وتـنـحـت عـلـى شـفـاهـي .. حـنـيـــن الـــســــوانـي ..



تـشـعـل عـلـى صـمـتـي بـ ـسـهـــرهـا ..تـعـالـيل ..=لا ســـولـفـت .. تـسـكـت عـــــــــــــيـون الــــثــوانـي ..



تــروي دمـوعــي .. فـي جـفـــاف الــمـنــــــاديل .. =وتـشــرب أغـــانـي .. فـي ظـمـا ( الأصــــفــهـــانـي ) ..[/POEM]

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سراب وضحكة صفراء بلا رحمة وأمل كذاب =واحاديثٍ تدوس من البيـاض اللـون والمعنـا

تزور عيوننا نفحة هنا وتمـوت عنـد البـاب =وتذبح صادق النيـة وتسـري فـي مواجعنـا

نسد الدرب في وجه الظنون ونجـرح البـواب =ونمشي في طريق الصبح لين الليـل يصفعنـا

مجانين البياض قلوبنـا تضحـك ولاترتـاب =ولو شمس الهجير تذيب املنـا فـي مرابعنـا

نفيض اخلاص نعطي من محبتنا بدون حساب =نحسب الناس كل الناس نسخـة مـن طبايعنـا

نرش الدرب للنشوان ولعينـه نصيـر اهـداب =ونبكي لابكى المجـروح حـر بكـاه يدفعنـا

نحب النور لجل النور, لو نور النواظـر ذاب =تحملنـا عنانـا لـو غرقنـا فـي مدامعـنـا

لنا في هامة العليا سكن ومـن النهـار ثيـاب =ولنا من نفحة الطيب الشـذى والحـق يقنعنـا

نعيش اغراب بين الناس وان متنا نموت اغراب =وتنسانا العيون اللـي لجـل سلوانهـا ضعنـا

غلط لكن وشـالحيلة طبيعة والطبـع غـلاب =نتوب وننقض التوبة ونور الصـدق يتبعنـا.. [/POEM]

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لو حسَبتك صديق ٍ تستحق الملام =لـغرق العين دمع من الهدَب للهدب
السلام عليكم..وعليك السلام=غيرها ما جمعنا بريق شاي وعتب![/POEM]

(رواف الرسلاني)

[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ودنا بالطيب بس الدهر جحـاد طيب=كل ما تخلص مع الناس كنـك تغشها

يدك لامدت وفاء لاتحرى وش تجيب=كان جاتك سالمه حب يـدك وخشها

كل ماشبيت نار المحبـه مـع حبيب=قام يسحـل فـي مشاهيبهـا ويرشها

وكل ما واجهت لك فالزمن وجه غريب=مثل ماقال المثـل دام تمشـي مشها

وذمةٍ ماهيب تنـدار للحـق المصيب=جعل قشاش الحطب لاسـرح يقتشها[/POEM]

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قالو هبيل وجايزلي هبالي=هبال طيب ولاصحاوة رخامه[/POEM]

من أطباعك عرفت انّك من الخبرا غديت السيـل

................ تغير حبـي بقلبـك كـذا يرضيـك تذبحنـي ؟


( عيون الشوق )

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]نهلتك يالقصيد من أوّل أيام الشقى للحين = حسبتك ملجأ أن ظاق الزمان وخانت أيامي

لك الله من عرفتك ماعرفت ألا الوجع ياشين = أشرّبك الونين اللي تخلل داخل عضامي

أبي من وين أوجّه عن بقايا هالحزن من وين = أذا أنت أقرب صديق وتستلذ بجرحي الدامي[/POEM]


( نواف التركي )