|
قطرة مطر .. يارب ! يبتل به ... صدري ! يهطل .. يطش .. يصب! ويفوح به .. عطري! وآهيم به ..والعب! واغازله ب .،. شِعري! |
الصحافه: إثم تافه! شي مايُأمن .. تخافه ! الصحافه : ماهي مبدأ ماهي قيمه ولا هي شيمه ! الصحافة : مو ثقافه ! شيّ " آفه" . / \ . #وجهة_نظر |
كنت أكذب ! مثل باقي الناس " أكتب" كنت أمدح ! وافرح .. افرح! كنت أحس ب ألف خنجر! يقرب لظهري " ويجرح " كنت أمدح/ مااعرف اجرح! طفل يهديهم فرح! آه .. وش قد الوجع! آه .. وش مرّ الدمع ! قد إيش الدمع .. يفضح! ليه طيب ؟ والله مدري! ليه .. ليه؟ والله مااعرف! والله مدري ! كل شيٍ أعرفه .. صرت أخافه واحذره! ماغدا شي احضنه! يمكن إني لاحضنته / شق صدري! قد إيش الأسئله ! ماني لاقي أجوبه! كل شخص استأمنه ! شاف روحي : مغريه! روح طفل مشاكسه! روح طفلٍ طيّبه ! أعتبرها ساذجه ! ليه يطعن طهرها؟ هو شرب من نهرها! واستقى من عطرها! واستفاء بظلّها ! ماكرمها بشكرها! ليه يطعن طهرها؟ سلمى .. سلمى! ضمي صدري! لمي جرحي ! رجعي للناس عطري! ضمي اكثر! ضمي صدري! ودي أهرب .. منهم ومني .. إليك ! قلبي طفل ٍ حيل خايف! كان واقف عالرصيف! كان يجلده المطر ! كان مبلول .. وضعيف! مالقى أيّة مضلّه! والمطر سيفه يسلّه! واحتمى بك ! ارتمى لك ! مثل عصفورٍ صغير! |
يارب وإن قدّرت لحظة وفاتي! وإنت الرحيم وغافر الذنب يارب يارب خذني ساجدٍ في صلاتي يمكنها تشفع لمن ممتلي ذنب! |
لاتصعبها عليّ! قل أبيك أو ماابيك! قل تعال ، أو قول: غيب! رد يكفي ... عن كثير! يارصاصه .. أو حمامه! ولا جحيم الإنتظار! قل أبيك! او قل : ابيك! واللي يرحم ... والديك! |
أحبّك .. من بعيد .. أحسن ! ولو هذا الشعور .. أحْزَن! أكون الأبعد .. الأقرب ! ولا أقرب .. وأصير أبعَد! أحبك من بعيد.. أحسن! |
قلت أحبّك ..
قلتي " بدري " قلت أمس .. وقبل غيمه ! قبل كم نجمه .. ونجمه .. لي زمن .. أكتب بشعري! قلتي " طيّب ماتكفي"! شلت قلبي قلت هاكِ ! |
قلت سلمى .. قالت : إكتب !
قلت صدري .. طفل مُتعب ! قالت إكتب .. طيّب إكتب ! قلت إيدي هاتي إيدي ! من رحلتي .. كيف أكتب ؟ قالت أكتب .. ماعليه إن كنت تكذب ! قول إن إنته بخير .. خل صدري يطمئن .. والله لقلبك .. أحنّ ! مامضى ليل الغياب .. الا ذكرتك ! مالمحت الغيم مرّه .. إلا شفتك ! الله يسعد طِيب قلبك .. إكتب .. إكتب ! خلني أتطمن عليك .. واللي يرحم والديك ! ماآعرف لك صوت .. وارض! فاقده هالناس .. بعدك ! ليش تقلقني عليك .. إكتب .. إكتب ! لوّ تكذب .. ماعليه! طمن الذكرى عليك ! |
| الساعة الآن 07:22 PM |
Powered by vBulletin® Copyright ©2000 - 2025, Jelsoft Enterprises Ltd.