لو نسيت الكل و جهك ما نسيته
انت يا حظ التراب اللي يضمك ..!

ما بقى بي حزن لأجلك ما بكيته
يا عسى الرحمات فالبرزخ تعمك ..!

كل يوم يمر لك ،، ربي دعيته
ما ابالغ لو اقول اكثر من أمك ..!

محمد بن شتير

/

\

على كثر الكلام اللي على بالي يجي و يروح
اليا منك ضحكتي ضاع ما يبقى و لا كلمه ..!

وانا محتاج لي كلمة تريحني عشان ابوح
تخرجني من الصدمه و تاخذني على صدمة ..!


محمد بن شتير

نفسي أتعايش مع نفسي و إذا كيفتك
يا شعوري بالمحبة منك وش يكفيني..!

كل شي فيني تغيير من بعد ما شفتك
أنت ما ادري يا حبيبي وش مسوي فيني..!

محمد بن شتير

ياما سهرت الليالي و أنت ما تدري
يا نايم الليل صح النوم يا نايم..!

أنام وأصحى ويبقى الحب في صدري
هون على قلبي اللي بالغلاء هايم..!

محمد بن شتير

عليه يارب صبرررني
خايف مع الوقت لا يولف..!

المبصر اللي يسكتني
خلاني اعمي اذا سولف..!

محمد بن شتير

من قبلها مانيب ميت و لا حيّ
اتنفس أفراحي بعنق الزجاجة..!

و بوجودها كني ملكت السماء ليّ
و بغيابها بالي تكدر مزاجه ..!

و يحز في صدري إذا مسها شيّ
و تهون لأجل عيونها كل حاجة..!

محمد بن شتير

حبيب قلبي كثر الله خيرك
حبيّت روحي يوم حبك سكنها..!

لي قلب ما يهوى من الناس غيرك
و لي عين ما ترتاح لو غبت عنها..!

قدمت لك روحي و قلبي أسيرك
خذها فديتك وأنت تامر و تنهى ..!

محمد بن شتير

أنا وش حيلتي حبك ملكني
عسى الله يا الغلا، يطرح بركته..!

اتل الروح لو حبك ربكني
على عكس الطريق اللي سلكته..!

أحب اللي إذا جيته تركني
و أحب اللي يجيني لو تركته..!

محمد بن شتير