ياحزن


يكتب ضياع الحلم من " دمعي" و " دمّي "


جيت ابـــ اشعل لك شموعي ..


.. وانكسرت


ولاقدرت إلاّ ابوح بنصف همّي !!

[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]يكتبون الحزن من حزن يجودك=في ظلامٍ ماتمكن من سهادك
في شعورٍ قبل ماتذبل ورودك=حاول انه يستعيدك مااستعادك !!
والحنين اللي نساني في قيودك=غايبٍ مابين وصلك وابتعادك
يعطشك لهفة ويشرب من وعودك=ويخذله منجل طموحه في حصادك
ضحكتي/ دمعي /متاهاتك / خلودك=تستعير اسمى طعوني من مدادك
تزرع الوجد بجفوني من وجودك=وتاخذك من حزن منفاك لبلادك
كثر ماصدري تجمّر من صدودك=وكثر ماخانت ميادينه جيادك
كم تثنى في هبوب الريح عودك=وانكسر شاعر عجز يكسر عنادك
صاحبك ياللي تماديت بجحودك=عاشقٍ شيد حضوره من رمادك
شاعرٍ لو ماتغرب عن حدودك=رغبته ماتت بتغريبة ودادك [/poem]

[poem="font="simplified arabic,4,darkred,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""](حمامتي) ماكل من حب يعطي=هذي ضمايرهم / وهذا ضميري

ماقول لك: طيري وبعدين حطّي=اقول لك: حطّي وبعدين طيري

واقري بــ / قلبك / ماكتبته بخطّي=عن ماتهيّا للعطش من غديري

وماكان لك أعظم// ولاكنت مخطي=ليلة وهبتك - باختياري - مصيري !!![/poem]

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]تـقـول مــن- فضـلـك - إتبعـنـي عـلـى مـهـلـك=ماتـدري إنـي تبعـتـك غـصـب عــن - فضلي - !!
كيـف أنصفـك فـي حضـور البـوح .. واكـتـب لــك=وأنــا الــذي فــي مـــداك اتقـطّـعـت سـُبلي
ماأصعـبـك فــي عـيــون الـحـلـم -ياسـهـلـك بـعـيـون درب ٍ يـسـاومـنـي عــلــى قـتـلــي -
أعـانــد الـنــوم واراقـــب سـمــا وصــلــك= فـــي لـيـلـة ٍ تـسـقـي الأوراق مــــن وبــلــي
تـعـال يااللي جهـلـت الـحـزن مـــن قـبـلـك=أبــي امنـحـك ياخـلـي الـبــال .. مـــن حِملي !! [/poem]

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]
وين السحاب اللي طعن حلم قفري=ياكثـر زلاتـه ولاهـي مْغَفوره

لا ماكتبت ألا (حضـوره) بفكـري=ولاقريت ألا (الغياب) ف حضـوره

منه الخطا ياما سترتـه بصبـري=وأنا أدري أنه ماتبيحه ضروره

[/poem]

[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
عبث لو تقنع اغصانـك بــ / طهـر الريـح=عبـث لــو تخفـي جروحـك ولاتـرتـاح


تأمـل قبـل ماتفصـح عــن التلمـيـح=وقبـل ماتنتـزع روحـك مـن اللـي راح


وقبـل ماتـودع الماضـي .. بـلا تلويـح=تأمـل كذبـة الأبــواب .. والمفـتـاح !!



كتبتـك قـلـت ارد الضـيـق للتسبـيـح=وقريتـك يـوم تنهيـدك بــ"حزنـك" بـاح


وحفظتـك فـي تناهيـدي عـن التجريـح=وعلا قـدرك بعـد ماقـدر غيـرك طـاح


تخيلـتـك مابـيـن اللـيـن والتبـريـح=تهاوي جدب مـن حولـي / وبـرق ٍ لاح


وبـذرت اعـذب تفاصيلـك : ورود وشـيـح=وجنيت اقسـى محاصيلـك : شتـات ارواح


[/poem]

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]لبيه .. ياشيخ الحلا / والتحايل=لبيه .. ياأجمل خبايا الطبيعه

هزيت جذع الذكريات وتهايل=سر ٍ لقى في غفلته من يذيعه

لولا عيونك ماانتدبت الرسايل=ولاشاقني شعر ٍٍ تفرعن ربيعه

في مقصد ٍ مااستنزفته الوسايل=جيت انتزع "بعضه" وعيّا "جميعه"

تعبت أرده عن ظنوني واخايل=مفاتن الزلّه بـــ ( عين ) الذريعه !![/poem]

[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

أنا ماقلت موّتني عشان .. احياك=أنا اللي قلت موّتني عشان .. احييك !![/poem]