كِذَب من قال :
ورد العاطفة ينبت بظل السور
_ وجبان اللي يخاف الناس
" لو وقّف على بالك"
كتب لك:
كل مافي الحب من عذب الكلام سطور
_ ولكنّه عجز ياطفلتي .. لايكتب كتابك !

[ البدر ]

[ كائِنة موسيقية ]

-

هذا المساء .. ناقص
ماينقصه شمعه .. بس ينقصه " عطرِك "
مرّي أتجاه الريح ..
ياللي أكسجينك شيح
ثم أزفري النسمه …
بتنفسه " بشويش "
وبصدري " آضمّه "
-
تتنفس الإحساس ..
وتوزعّه .. للناس !
هذي " وهي أنفاس "
وشلون لامالت ؟
يارب .. هذي بنت ؟
مو مثلنا .. مِن " نبت "
أحنا نجي ..
من طين
هذي تجي ..
بـ تلحين !
شفت الوتر لامال 🎶
وقوفها … الـ يامال
ذِي " أغنية حيّه "
مو " كائنه حيّه" !