المشاركة الأصلية كتبت بواسطة عبدالله عليان (المشاركة 1211539) . . سيّد المسك صبحك بالاغاني روي تحمله كِلّ ريح وتطرب ديارها امتدادك مداد لـ حسي المعنوي تزرع الامنية واقطف لك اثمارها سيّدي في ضفافك ساحلٍ يهتوي ضحكة الموج واللهفة و محارها سيّدي في ربوعك روح ما تنغوي تملي الارض طهر و تورق احجارها سيّدي في بلادك هام قلبٍ سوي لين صارت عروقه معدن اسوارها من خلالك يصب الود خل وخوي من خلالك تضم الشمس نوّارها من غنَاك وحديثك كِلْ غصن يحتوي طفلة "الكُرد و السيكا" ومزمارها لك تزف البلابل اغنيات ابدوي دوزن القيض و دروبه على اوتارها يستلذ الجداول صبحك النخبوي يغرف السلسبيل وينثر انهارها يستفز السنابل عطرك الفوضوي لا عبث بالمدى وامطر على ازهارها مُترف المسك بارضك سافِر و مرتوي تشربه كِلّ ريح وتسقي اشجارها وليد بن مانع . .

الا يا قلب ... من تحزن .. تغيب الشمس
تبسم .... خلها تشرق .. على روحك
بيرحل ... حزنك وماسك بيده ... امس
ويولد صبح ...تتلاشى ...به جروحك

المشاركة الأصلية كتبت بواسطة سعيد الموسى (المشاركة 1211665) _____ كِل شيّ .. يطوف صدري ! تجهله ! هو يمّر بكل عرقٍ [ يبتره ] شيّ من أشياء وأشيا .. مُنهكه ! جاي : تعتب ! جاي تغضب ! جاي من أقصى الزمن - تركض وتنصَب ! صبّ علقم ، صبّ مؤذي تنتشر مابين أجفاني لضلعي ! لاتبللني - بجروحك ! لاتمررني لـ جوفك ! داخلي مثلك [ يشوفه ] ؟ قِم .. توّض وصلّ لجله ! والله.. [ الله ] .. لوتخافه داخلي حيل مترمد ! احترقت وصرت [ أثمد ] واكتحلت بهالرماد .. ليييييييييييييين مدري كيف اشوفك ! مااشوفك هالسواد اللي ملاني .. هو بلاني ماهو جوفك ! لو تمّر لثلث صدري ! كان غادرك الكلام ! لين ينساك المنام ! لين كل الأرض هذي تكتسي لون الظلام ! كنت أوزّع هالعطر ! كنت أجمل من عَبَر ! في مواطن هالشعر ! كنت اوضّي كل شعري لين تخشاه الحناجر ! لكن الأشياء .. تُنسى من يمر الأنس فوضى ! من يميل بطرف عين ! تطعنه أقرب يَدين ! لاتعاتب .. لا .. تعاتب .. غادر أشيائي .. تثائب ! نام مثل أيّة منام أعتبرني حلم .. عابر ! مثل ماانته .. تعتبرني ! شخص .. شاعر ! بسّ شاعر ! منهو فهمّك العباره ؟ أنت تفهم بالمشاعر ؟ أنت حتى إنس .. ؟ كائن ؟ أنت ميّت ماانت حيّ ! بس تلبس ثوب حيّ ! أخدم اهل الأرض .. موت ! رُبما تفهم .. وتدرك ! ليه .. نختار السكوت ! ___