المشاركة الأصلية كتبت بواسطة بدر الحريص (المشاركة 438935)

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] أشراقة الشمس وأنسام الصبا والعبير=تحمل من الشوق آيات الهوى والغرام
تنفس الصبح للكون الفسيح الكبير=وفاحت زهور الربيع وغردن الحمام
يقصر شعور البشر عند انقطاع النظير=الصمت عند الطبيعة أبلغ من الكلام
أهيم في عالم العشاق والجو غير=مليت من وحشت الليل وعتيم الظلام
وين أنت ياللي بحبك عشت عقدين أسير=سوالفك تسرق من العين حلو المنام
لولا الأمل والتفاؤل مايعيش الضرير=ولولا الرجا مايزيد الحب لك كل عام
حبك بدمي سرا من يوم عمري صغير=أخذتني من معالم واقعي للهيام
وأنا بريءٍ ماكنت أدري عن اللي يصير=براءة الذيب من يوسف عليه السلام
واليوم شوف الغرام اللي نما بالضمير=اللي سقيته مدار الوقت مثل الغمام
علمني البعد وشلون الفلك يستدير =وعلمني إن الليالي ماعليها ملام
تعال يالغالي الدنيا ماتسوى الهجير=كل الحياة وملذتها متاع الحطام
من مبتدأ العمر حتى الانعطاف الأخير=أنت أول الناس في قلبي ومسك الختام
[/poem]