|
دموع الليل ... !
سالت دموع الليـل فـوق المدينـه ............................... تلمس قديم الجـرح ويسيـل همـه فعيوني اتموت الشـوارع حزينـة ! ............................... لا شفت حلم الغيم مهـدور دمـه !! شايل معاي احسـاس مـا تذكرينـه ............................... يستجدي من الليل وجهـك وحلمـه دورت وجهك في الجـروح الدفينـه ............................... وتعبـت ادور فـي الليالـي والمـه جانـي ودم القلـب يمـلا يديـنـه ............................... قمت احضنه بالجرح ابكي واضمه !! يرتاح له جرحي.. يداعـب حنينـه ............................... وترحل مشاعر خوف وتروح يَمـه وفجـأة تروعنـي دمـوع المدينـه ............................... و آخذ قديم الجـرح واشيـل همـه معوض العطوي |
ياليل ماطولك ... تصبحون على خير .. لينتهي الليل على صباح أحمد الحربي .. شكرا ً لليلك ..!! دمعة في زايد |
قصيدة: تعالي عتيم الليل قمرنا من زمان والله .. فقد نوره عتيم الليل .. احس النظره تتكسر على سوره سهرنا .. في عتيم الليل .. حزين الهمس قدرنا .. ننتظر باكر .. شعاع الشمس تعالي .. طالت الغيبه .. وانا مشتاق انا مشتاق .. انا الاشواق .. انا العشاق تعالي من جسور الليل ... تعالي ضي تعالي في هجير العمر .. حنان وفي وربي .. طالت الغيبه حنون الليل .. وصوتك همسة التحنان حنون الليل .. بيروي بالامل عطشان حنون الليل .. وانت بتسمعي صمتي تحسي بي تقاسي فيّ تعذيبي تشديني من الامواج ترسّيني على مينا .. وصوتك في ليالينا أبد ساري حنون الليل .. وانت الريح والساري تعالي .. طالت الغيبه وربي طالت الغيبه (البدر: بدر) |
الليله الليله ... سواليف وعلوم ...! * ;) *لـِ خالد الردادي |
مستانسه يا جالسه بين المسا و اطياف السوالف و الصمت و الدخان مستانسه و الا رماك الليل في ذكرى حبيب لك واحدٍ زعلان او واحدٍ غالي .. سافر مع غالين خلاك تنتظرين و خلىّ يدينك تحبس الظلمى .. و خلىّ عيونك حارسه يا ثقل دخان السجاير ويا خف الشفايف مستانسه **************** كل الاماسي وفيّه و كل الكراسي تنتظر غياب و الطاوله و المزهريّه الشاي له سكر ……… و القلب له احباب و لك واحدٍ ناسي آآآآآآآآآآآآآآآآه لو كانوا العشاق مثلك ما كان فيه افراق و لو كانت الاشجار طولك ما تذبل الاوراق و لا صارت الدنيا مآسي وما مرّت اللحظه حزينه وبائسه خالد المسعودي |
ان شاء الله بكرا يردون الاحباب ..............و امسح دموعن غبّرت من سفرهم ودّعتهم و الدمع بارد و ينساب ..............ولما وصل لادراج حزني حفرهم و ان جيت ابخفي عبرتي صرت كذاّب ..............و انا الذي كنت الصدوق بنظرهم تشتمني الفرقى و يصفعني الباب ..............لا جيت وحدي بس اقلّب اصورهم و اقرا دفاترهم و اسولف للالعاب .............. لعلي القا خصلتن من شعرهم هاذي خطاويهم على قلبي اهداب .............. و هاذي ملابسهم و هاذي اكورهم يارب ما يبقى بهالارض غيّاب ..............يارب تدري .. مت و انا انتظرهم أيضاً للجميل/خالد المسعودي |
( إضاءات في ليلة فندقيّة ) (1) نوال ...واكتبك : بنتٍ تدخل امرايه فـ..المشط تصعد....وحلم المشط : ينزل به شوفي : حرقت اصبعي من نار غلاّيه والشاي ....لو بارد الفنجال : أكمّل به طفّايتي : يتم.........ماهي بسّ طفّايه سجايري : حزن...........من قال انها علبه ؟ أدخلك : طالب تلعثم في حروف آيه واخشاب كل الكراسي ..بارده...صلبه قولي : عرفني ولد صايع .....بلا غايه قولي : ولاني نوال ان ما أهبّل به...! ( 2 ) ساعة جدار : معلّقه........قل : بعيده سكنت هالغرفه ...وهي جات بعدي دولاب فخم....وكم ملابس جديده أكشخ بها ...وآقول من عاد قدّي نفس الزمن...والأكل...نفس القصيده قالت : وش اللّي فيك ..ونسيت ردّي ! والصفحه اثنعشر ..بهذي الجريده اشعر بها ...لكن شويّ وتعدّي والله..وغصّة هالسرير الوحيده أنه سرير اثنين....وآنا لوحدي !! ( 3 ) نوال...لاتسكتي...وتكلّمي واجد تكلّمي : أكذب الأشيا...هو الأصدق حزين انا ...وأسألي لو صاحبي ماجد عن وحدة الساعة خمسة الفجر...في فندق ! ( 4 ) يعني متعكّر مزاجي....وآه كم حاجه تعكّر يعني موناقص كلام الناس....موناقص قرف قل : حزين الليل...قل : ليل الوحيد اللّي يفكّر كم من الراتب يوفّر...كم من الراتب : صرف مايجيك الاّ انت...تفتح باب هالغرفة...تسكّر ياوحيد تعدّ .........كم حذيان قدّام الغرف...! ( 5 ) وربي ....واتصالات الرسبشن ...وآخري....ونعاس تذكّرني نوال بشيّ.......كنّه شي يشبهني كذا : يتحرك المعجون في وجهي....كذا : الأمواس أثاريني كبرت ....وما لقيت اللّي ينبّهني تقول أمي توجّهني : ولد اصحك تسبّ الناس لقيت الناس لكنّي ...... فقدت أمٍ توجّهني ! الحدود الشمالية / 1422هـ عبدالمجيد الزهراني |
عودةٌ لِـ محاولاتِ قِرَاءةِ الليلِ ..! رتبي لأطرافهم عشـب الصبـاح ...................................... واشعلي غصن الندى بين الجروح في يدينك هاجس العطر استـراح ...................................... من تعبهم وانطفت فيـه القـروح آه وانتي بين صيحـات الرمـاح ...................................... تشتهين الحلـم بعروقـي يبـوح دلّة البـارح سواليـف ومـزاح ...................................... ودلّة الليلـة لنـا عيّـت تفـوح كل برقٍ يلمـس الطيـن بجنـاح ...................................... ترتجف لـه غيمـة البدو وتنـوح فتشوا عن صمتهم فينـا وبـاح ...................................... دوروا عن حزنهم صرنا نـزوح ماتردالشمـس هامـات الريـاح ...................................... والمرايـا ما يكفّيهـا الـوضـوح علميني لا ارتبـك ظلـي وطـاح ...................................... أرسم الجـدران للمنفـى وأروح ماينام العشـب والدنيـا صبـاح ...................................... مادام للشمـس ماهـي للجـروح الشاعر نايف الجهني |
| الساعة الآن 09:40 AM |
Powered by vBulletin® Copyright ©2000 - 2025, Jelsoft Enterprises Ltd.