|
يا إنّي ابلد شخص ماحاول يغش يا إنّي اذكى جنس من بين الاجناس تعجّب !! استنكار !! مدري على وش !! على الزمن ولاَّ على الارض والناس عشان افكّر وش اخلّي وش آطش لازم اعطل قبلها كل الاحساس ودّي اكون اعمى ولا اكون اطرش أقل شي مآ اشوف الاحلام تنداس |
هذا الذي ماني مسمّيه باسمه دوبي عليه ودوب نفسه عليَّه بذلت به روحي ولاجاب قسمه لاجدت في حقه ولاجاد فيَّه محبوبك اللي مابقى غير رسمه باقي به من العام نبضه بريَّه ودَّه يوصّيها على عظام جسمه لاياكله برد الليال الشقيه |
من الصادر
هذي بلاد الله وهذي عبيده شفنا بها عاقل وشفنا بها ثور ماغرّني غير الوجيه البليدة اللي خلقها الله بلا حس وشعور مايشكرك في خوّته لو تزيده ولايقبل عتابك ولايسمع الشور |
الوجه الحبيبة
http://brgbli.googlepages.com/alwajjh-5.jpg ماجيتها مرَّة ولا استقبلتني ولارحت اوادعها ولاعانقتني ميعادنا بتوقيت نبض المشاعر عند الغروب وبين جفني وجفني أعشق نسانسها وتعشق شراعي من وين ماواجهتها واجهتني |
كنتي ملاك وكنت انا انسان من طين من زود لطفك خفت لا الطين يجرحك ماكان ودي غير اصادفك بالعين لو نصف صدفة !! بس انا المح ملامحك؟ عشان احس بصدق في قسوة البين واحـمّـلك ذنب المحبَّة ... واسامحك |
أنا احسب انّي غالي ٍ عند غالي واثريك ياعيون المحبَّة كفيفة يازين هقواتي وطيب احتمالي وياشين حظّي بالقلوب النظيفة |
هاه .. طيِّب .. هوه انا ولاَّ العنا اللي طاع شورك؟ زين .. حاضر .. ليت شعري ياحمام الحب (شكراً) |
| الساعة الآن 02:32 PM |
Powered by vBulletin® Copyright ©2000 - 2025, Jelsoft Enterprises Ltd.