|
http://www.cbc.ca/gfx/images/news/ph...84-6089552.jpg . . مو شتا بس السهر بردان فيني ولا نوى الليلة ينام والكلام اللي أنتفض بردان ماوصّل لـ سمعك عاد وأتلحف ضلوعي أغفري لي ماعرفت الحاجه تقتل وأمسحي لي وجه يسكن وجهي من فقدك يطيش لأجل أعيش إبتسامه في وجيه الناس صفرا أغفري لي في عيونك موطني أخضر وشمسك بارده مثل الشتا مو شتا في شفاهي : برد جمّر أسحبيني من منافيك الطويله قبل أخاف العتم يالله أخذي صدري فيك جاكيت وتدفّي ماتكفّي عشق عامين وغياب ماتكفي ساعه وحدة من غياب تشبه سنينٍ بْعمر كل اليباب مو شتا عمرك سمعتي حائط المبكى تذوبة الهبوب وين راحت كل دموع اللي بكوا فيه وتمادت بـ الحراره لا يغرك ذنبي رميت الجوخه لأجل أسمع حنينك ماسمعتك ألا صوتٍ داخلي نادى وحيتة المدامع أني هـ الليلة أشتهيك أغفري لي لأني من كلي على كلي أبيك ..... ..... ..... ..... مو شتا جيتك وأفـ صدري هجير لا تغرك تمتماتي قبلها عاشت مع البرد أمنياتي كيف يبدأ شاعرٍ تستصعب أبياته بـ روحك لأجل أعاود كل كلمه قلتها دايم : أحبك ! من سنين الغيم أحبك مرت أفـ صدري دهور مْن العُجاف كل ليله يرتمي فيني حنيني بس أنا قاسي على خبرك على خبرك وأخاف ! من يطوف العمر لو مابه حزن ما كنّه طاف مو شتا لمي بيدك كل : أنا لـ النوافير الحزينه في الشوارع لـ المدينه لـ العتيم لـ الرصيف لـ البلاد لـ الخريف لملميني وأنثريني مابقى فيني شتا ألا وذوبته دموع مو شتا |
أنت راحل يمتلي وجهك بحر والشوق ساحل ! والمطر مابلل العطشان فيك طفل يكبر داخلك كلّ ما شاف أنكسارك هز راسه وقال لك : لا ماعليك أنت ممطر بس حضك هذا قاحل والرضا ناحل بـ جسمك ماعليك أنت لو يد المنافي توصلك كان تسبقها يديك لا تموت أكتب النسيان في دفتر رحيلك أرسم الريح أفـ جهاتك مؤمنه , طش من ذاتك حزن طفّش حياتك لين تستجمع قنوتك لـ القنوت |
في سُنّة الترحال كان السهر صاحب وبعض الشعر كاذب لو جاك من صحراء في نكهته : يامال يجتثك أحياناً من روحك الغرقا ويلفظك لـ الشاطي ترى الشعر دجّال يكبر مع الأجيال وأشتعلوا شعّاره لو قلت مايكبر غلطان يامحمد وأحسنتي ياساره غنوا لأي غيمه لو هي ثقيلة دم على هجير اللال أستانسوا الأطلال بتمركم لحظات فيها من الذكرى ووجيه تتساقط ضحكاتها صفرا في سنة الترحال غنوا على أيّت حال ! |
يوم حلمي أنّي أكتب لك شعر
كان عندي بيت مكسور و قديم أذكر أني حاذفٍ .. منّه .. شطر : إي ذكرتة : حزني أفّاكٍ أثييم وشطر آخر خالي من أيّت فكر ليه أحب أستغفر الله العظيييم :( |
.
. يعني طفلٍ أكثر أحلامي .. شغب وأنتي إيييه أنتي لك الحلم الأخير لا لمحتك أختفي وأرسم شنب وقتها أبغى تشوفيني كبييييييير ! بزر في ثاني أبتدائي بس أحب كنت أشوفك حيل بس قلبي ضرير كيف رحتي فازعه مع من غلب ؟ المدى والصمت وأحضان الهجير |
آخر أرق :
حبيبتي .. هذي الحياة اثنين ضمّوا حزنهم متفارقين اللي بكا وهو على مركب نجاة واللي ابتسم وهو على حفّة غرق. |
ان تنحنح خاطري شف له طريق
خابره لي شاف له ضيقه .. سرى مبطيٍ عن حلو حكي وحلو ريق و فرحه لا من شافها ولا من درى يوم ضحكاتك على قلبي تويق في هبوب الذاكره .. ستر و ذرا انت لك مستقبلك .. ولا يليق : آنا لي ماضي وابي ارجع .. ورى |
الشعور الغريب اليا سكتنا .. حكا :
كم عطش باقيٍ في غربتك ماهلكت !؟ قلت : وشفيك تضحك ف الوداع وبكا قال : وش في عيونك دامعات وضحكت |
| الساعة الآن 05:56 AM |
Powered by vBulletin® Copyright ©2000 - 2025, Jelsoft Enterprises Ltd.